SIT: హత్రాస్ ప్రమాదంపై సిట్ నివేదిక..తొక్కిసలాటకు కారణాలు ఇవే..

హత్రాస్ ప్రమాదంపై పోలీసులు పలు కోణాల్లో దర్యాప్తు చేస్తున్నారు. ఈ కేసును దర్యాప్తు చేసేందుకు ప్రత్యేక బృందం ఏర్పాటైన విషయం తెలిసిందే. తాజాగా ఈ ఘటనపై సిట్ నివేదిక వెల్లడించింది. సిట్ నివేదిక ప్రకారం.. భోలే బాబా సత్సంగంలో తొక్కిసలాటకు కారణం..నిర్లక్ష్యం, నిర్వహణ లోపం. కార్యక్రమానికి అనుమ‌తులు తీసుకునేట‌ప్పుడు నిర్వహ‌ణ క‌మిటీ త‌న స్థాయిలో ఏర్పాట్లను పూర్తి చేస్తామ‌ని హామీ ఇచ్చింది. హత్రాస్‌లో జరిగే సత్సంగానికి పెద్ద సంఖ్యలో వచ్చిన భక్తులలో, బాబా దర్శనానికి వచ్చిన కొత్త భక్తులు ఎక్కువగా ఉన్నారు. ఈ సమయంలో అనుకున్న దానికంటే ఎక్కువ మంది రావడంతో పరిస్థితిని భద్రతా సిబ్బంది అంచనా వేయలేకపోయింది. రోడ్డుపై జనాన్ని అదుపు చేసేందుకు పోలీసు యంత్రాంగం సహాయాన్ని కోరింది. బాబా సత్సంగంలో సేవాదార్లు (సేవ చేసేందుకు వచ్చిన వాళ్లు) పూర్తి ఏర్పాట్లు చూసుకుంటారని పోలీసు శాఖ అనుకుంది. స్థానిక అధికారులు సంఘటనా స్థలానికి వెళ్లి పరిస్థితిని పరిశీలించలేదు. బాబా సత్సంగం ప్రారంభమైన తర్వాత, జనం వస్తూనే ఉన్నారు. అయినప్పటికీ అక్కడ ఉన్న అధికారులు పరిస్థితిని అంచనా వేయడంలో విఫలమయ్యారని సిట్ వెల్లడించింది.

READ MORE: UK: యూకే నూతన ప్రధానిగా కీర్‌ స్టార్మర్‌.. కింగ్ ఛార్లెస్-3 ఆమోదం

సిట్ నివేదిక ప్రకారం.. సత్సంగ్ వేదిక వద్ద మోహరించిన పోలీసు బలగాలలో.. సత్సంగం వెలుపల కొంతమంది మాత్రమే ఉన్నారు. వచ్చిన కొద్ది మంది కూడా రహదారిపై రద్దీని నియంత్రించడంలో మరియు ట్రాఫిక్ నిర్వహణలో నిమగ్నమై ఉన్నారు. తద్వారా హైవే జామ్ కాలేదు. అనుమతి షరతులను ఉల్లంఘించినందుకు వాస్తవాలను దాచినందుకు నిర్వాహక కమిటీలోని వ్యక్తులను బాధ్యులుగా పేర్కొంది. సిట్ తన నివేదికలో, పోలీసు విచారణ మరియు ప్రమాదంలో కుట్ర కోసం నిర్వాహకులను లోతుగా విచారించాలని కోరింది.