ఒక అమ్మాయిని డేటింగ్‌కి తీసుకెళ్తున్నప్పుడు, రొమాంటిక్ లొకేషన్‌ను ఎంచుకుంటారు. వారిని మంచి రెస్టారెంట్ లేదా పార్కుకు తీసుకెళ్లడం పరిపాటి. ఎలాంటి రిస్క్ లేకుండా సురక్షితంగా డేటింగ్ జరగాలని కోరుకుంటారు. కానీ., ఓ మనిషి తన జీవితంతో పాటు తన ప్రేయసి జీవితంను కూడా రిస్క్ లో పెట్టాడు. వెరైటీ డేట్ ప్లాన్ కోసం వారిదహరి జీవితాలను పణంగా పెట్టాడు. అతను ఆమెను మరపురాని డేటింగ్ సాహసానికి తీసుకెళ్లాడు. ఈ వైరల్ వీడియో చూసిన తర్వాత ఎవరూ భయపడకుండా ఉండలేరు.
Also Read: Rapido: హైదరాబాద్‌ సహా నాలుగు నగరాల్లో ఓటేసిందుకు పోలింగ్‌ కేంద్రాలకు ‘ర్యాపిడో’ ఫ్రీ రైడ్‌..
ఈ వీడియోను ఓ ఇన్‌స్టాగ్రామ్ ఖాతాలో షేర్ చేశారు. ఈ వైరల్ వీడియోలో, ఒక యువతి, యువకుడు లంచ్ టేబుల్‌ తో గాలిలో ప్రయాణించారు. రెండు కొండల మధ్య కేబుల్ వైరుకు వేలాడుతూ ధైర్యంగా అత్యంత సాహసోపేతంగా భోజనం తిన్నారు. ఈ వీడియో చూస్తే నిజంగా భయం వేస్తుంది. అందుకే కాబోలు ఈ వీడియో ప్రస్తుతం వైరల్ అవుతోంది. ఈ వీడియోను ఇప్పటి వరకు 2.5 కోట్లకు పైగా ప్రజలు వీక్షంచగా.. లక్షల సంఖ్యలో ప్రజలు దీన్ని లైక్ చేసారు.
ఇక ఈ వీడియో చుసిన నెటిజన్స్ కాస్త ఘాటుగా స్పందిస్తున్నారు. అందులో కొందరు ‘ ఒకవేళ ఏదైనా తేడా వస్తే ఇదే చివరి భోజనం అవుతుంది ‘ అని అనగా మరికొందరైతే.. ` అసలు ఇలాంటి ఐడియాలు ఎలా వస్తాయో ` అంటూ కామెంట్స్ చేస్తున్నారు.
