Russia: ఓ వైపు 7.0 భూకంపం.. మరోవైపు 600 ఏళ్ల తర్వాత క్రషెనినికోవ్ అగ్ని పర్వతం విస్ఫోటనం..!

Russia: రష్యా దేశ తూర్పు ప్రాంతమైన కురిల్ దీవుల్లో ఆదివారం 7.0 తీవ్రతతో భూకంపం సంభవించింది. ఈ భూకంపానికి సంబంధించి మొదటగా సునామీ హెచ్చరిక జారీ చేసిన రష్యా అత్యవసర సేవల మంత్రిత్వ శాఖ, అనంతరం అలల పొడవు తక్కువగా ఉందని పేర్కొంటూ హెచ్చరికను ఉపసంహరించుకుంది. భూకంప ప్రభావంతో తీర ప్రాంతాల వద్ద ఉన్న ప్రజలు అప్రమత్తంగా ఉండాలని హెచ్చరించింది. ఈ భూకంపం తర్వాత పసిఫిక్ సునామీ హెచ్చరిక వ్యవస్థ కూడా ఎటువంటి సునామీ ముప్పు లేదని స్పష్టం చేసింది. యుఎస్ జియోలాజికల్ సర్వే ఈ భూకంప తీవ్రతను 7.0గా నమోదు చేసింది.

Baby Movie Team : ఆనంద్, వైష్ణవికి వారితో గొడవ.. సద్దుమణిగినట్టేనా..?

మరోవైపు, ఈ భూకంపం జరిగిన అదే రాత్రి కమ్చట్కా ద్వీపకల్పంలోని క్రషెనినికోవ్ అగ్ని పర్వతం 600 సంవత్సరాల తర్వాత మొదటిసారి విస్ఫోటనం సంభవించింది. నివేదికల సమాచారం ప్రకారం, ఈ అగ్ని పర్వతం చివరిసారిగా 1463 ప్రాంతంలో సంభవించిందని వారు పేర్కొన్నారు. కమ్చట్కా వాల్కానిక్ ఎరప్షన్ రెస్పాన్స్ టీం అధిపతి ఒల్గా గిరినా మాట్లాడుతూ.. క్రషెనినికోవ్ అగ్ని పర్వతం చారిత్రకంగా ధృవీకరించబడిన మొదటి విస్ఫోటనం అని అన్నారు.

China Humanoid Robot: వారి ఉద్యోగాలకు ఎసరు పెట్టిన చైనీస్ రోబో.. మొదటిసారి ఈ పని చేసి సర్ ప్రైజ్

అగ్ని పర్వతం విస్ఫోటనం కారణంగా 6,000 మీటర్ల (3.7 మైళ్లు) ఎత్తులో బూడిద మేఘం ఏర్పడినట్లు కమ్చట్కాలోని అత్యవసర సేవల శాఖ ప్రకటించింది. ఈ బూడిద మేఘం పసిఫిక్ మహాసముద్రం వైపు తూర్పుగా కదులుతోంది. దాని మార్గంలో ఎటువంటి జనావాసాలు లేవని అధికారులు స్పష్టం చేశారు. ఈ అగ్ని పర్వతం విస్ఫోటనానికి ‘ఆరెంజ్ ఎవియేషన్ కోడ్’ను అందించారు. ఇది విమానాల రాకపోకలకు పెరిగిన ముప్పును సూచిస్తుంది. క్రషెనినికోవ్ అగ్ని పర్వతం ఎత్తు 1,856 మీటర్లు.