Rohit Sharma Reaction: జస్ప్రీత్ బుమ్రా బౌలింగ్ లో భారీ సిక్సర్లు.. తట్టుకోలేని రోహిత్ శర్మ.. ఏం చేసాడంటే.?

Rohit Sharma Reaction: ఐపీఎల్ 2026లో భాగంగా ముంబైలోని వాంఖేడే స్టేడియం వేదికగా జరిగిన మ్యాచ్‌ లో ముంబై ఇండియన్స్, సన్‌రైజర్స్ హైదరాబాద్ జట్ల మధ్య హై స్కోరింగ్ పోరులో SRH 8 బంతులు మిగిలి ఉండగానే విజయం సాధించింది. అయితే ఈ మ్యాచ్‌లో అందరి దృష్టిని ఆకర్షించింది మాత్రం రోహిత్ శర్మ రియాక్షన్. ముంబై ఇండియన్స్ మాజీ కెప్టెన్ రోహిత్ శర్మ మ్యాచ్ సమయంలో తీవ్ర అసహనంతో తన ముఖాన్ని చేతులతో కప్పుకున్న దృశ్యాలు ఇప్పుడు సోషల్ మీడియాలో వైరల్ గా మారాయి.

నిజానికి ఈ ఐపీఎల్ సీజన్‌లో బుమ్రా పూర్తిగా ఫామ్ కోల్పోయినట్లు కనిపిస్తున్నాడు. దీనితో ప్రత్యర్థి జట్టు బ్యాటర్లు అతని బౌలింగ్‌పై ఎలాంటి ఒత్తిడి లేకుండా భారీ షాట్లు ఆడుతున్నారు. ముఖ్యంగా యువ ఆటగాళ్లు కూడా అతడిని టార్గెట్ చేసి సిక్సర్ల వర్షం కురిపించడం ఇప్పుడు చర్చనీయాంశంగా మారింది. గత రాత్రి సన్‌రైజర్స్ హైదరాబాద్ తో జరిగిన మ్యాచ్ లో బుమ్రా తన 4 ఓవర్లలో మొత్తం 54 పరుగులు ఇచ్చి ఒక్క వికెట్ కూడా తీయలేకపోయాడు. ఐపీఎల్ 2026లో ఇప్పటివరకు ఆడిన 8 మ్యాచ్‌లలో అతను కేవలం 2 వికెట్లు మాత్రమే తీసుకోవడం ముంబై జట్టుకు తీవ్ర ఆందోళన కలిగిస్తోంది. ఒకప్పుడు డెత్ ఓవర్లలో అద్భుతంగా బౌలింగ్ చేసి మ్యాచ్‌ లను తిప్పేసే బుమ్రా, ఈ సీజన్‌లో మాత్రం పూర్తి భిన్నంగా కనిపిస్తున్నాడు.

ఇప్పటివరకు కీలక సమయాల్లో బుమ్రాపైనే ఆధారపడే ముంబై ఇండియన్స్, ఇప్పుడు అతని ఫామ్ లేకపోవడంతో కష్టాల్లో పడింది. ఓ వైపు బుమ్రా బౌలింగ్ లో సిక్సర్ల వర్షం కురుస్తుంటే.. వాటిని తట్టుకోలేని రోహిత్ శర్మ నిరాశతో తన రియాక్షన్‌ను బయటపెట్టాడు. జట్టు ప్రదర్శన కూడా నిరాశజనకంగా ఉండటంతో అతని అసహనం స్పష్టంగా కనిపించింది.

𝙉𝙊 𝙇𝙊𝙊𝙆. 𝙉𝙊 𝙁𝙀𝘼𝙍 🔥

Shot of extreme confidence from Salil Arora 🫡

Updates ▶️ https://t.co/ypWTkEr2Rc#TATAIPL | #KhelBindaas | #MIvSRH pic.twitter.com/hC8aoPTvCm

— IndianPremierLeague (@IPL) April 29, 2026