Road Accident: ఘోర రోడ్డు ప్రమాదం.. అదుపు తప్పి లోయలోకి దూసుకెళ్లిన బొలెరో..

Road Accident: అల్లూరి సీతారామరాజు జిల్లా పాడేరు మండలం రాయికోట గ్రామం సమీపంలో ఘోర రోడ్డు ప్రమాదం చోటుచేసుకుంది. అదుపుతప్పి ఓ బొలెరో వాహనం లోయలోకి దూసుకెళ్లింది. ఈ ప్రమాదంలో ఒకరు మృతి చెందగా.. 10 మందికి గాయాలయ్యాయి. పలువురి పరిస్థితి విషమంగా ఉండగా.. మృతుల సంఖ్య పెరిగే అవకాశం ఉంది. పోలీసులతో పాటు అధికారులు అక్కడికి చేరుకుని సహాయక చర్యలు చేపట్టారు. గాయపడిన వారిని ఆస్పత్రులకు తరలించారు.

Also Read: Chelluboina Venugopalakrishna: చంద్రబాబు సామాజిక వర్గాల మధ్య చిచ్చు పెడుతున్నాడు..

బొలెరో వాహనంలో 20 మంది వలస కూలీలు రాయికోట గ్రామం నుంచి రాజమండ్రికి వెళ్తున్నారు. వారు బయలుదేరిన కాసేపటికే బొలెరో వాహనం లోయలోకి దూసుకెళ్లడం గమనార్హం. ఈ ప్రమాదంలో నూకరాజు అనే యువకుడు అక్కడికక్కడే మృతి చెందారు. ఈ ప్రమాదంతో రాయికోట గ్రామంలో విషాదఛాయలు అలుముకున్నాయి.