REDMAGIC 10S Pro: మైండ్ బ్లోయింగ్ ఫీచర్లతో గేమర్ల కోసం కొత్త స్మార్ట్‌ఫోన్ రెడ్ మేజిక్ 10S ప్రో లాంచ్..!

REDMAGIC 10S Pro: REDMAGIC బ్రాండ్ నుండి కొత్త గేమింగ్ ఫీచర్ల సపోర్ట్ తో స్మార్ట్‌ఫోన్ రెడ్ మేజిక్ 10S ప్రో ను గ్లోబల్ మార్కెట్‌లో విడుదల చేసింది. ఈ ఫోన్ మూడు వేరియంట్లలో అందుబాటులో ఉంది. మరి ఈ ప్రీమియం ఫీచర్ల ఫోన్ గురించి పూర్తిగా తెలుసుకుందామా..

Read Also: Kannappa : కన్నప్పలో రజినీకాంత్ ను తీసుకుందామనుకున్నా.. విష్ణు కామెంట్స్ వైరల్

ఈ రెడ్ మేజిక్ 10S ప్రో లో 6.85 అంగుళాల భారీ 1.5K OLED BOE Q9+ డిస్‌ప్లేతో వస్తోంది. దీని రిఫ్రెష్ రేట్ 144Hz, పీక్ బ్రైట్‌నెస్ 2000 నిట్స్ వరకు ఉంటుంది. అత్యుత్తమ విజువల్ అనుభవాన్ని అందించేందుకు ఇది 2592Hz PWM డిమ్మింగ్, DC డిమ్మింగ్‌ వంటి ఫీచర్లను కలిగి ఉంది. ఈ మొబైల్ లో ప్రాసెసర్ గా అత్యాధునికమైన స్నాప్ డ్రాగన్ 8 ఎలైట్ లీడింగ్ వెర్షన్ ను ఉపయోగిస్తోంది. ఇది గరిష్ఠంగా 4.47GHz స్పీడ్ వరకు పని చేస్తుంది. ఈ ఫోన్‌ 12GB, 16GB, 24GB LPDDR5T RAM వేరియంట్లలో వస్తుంది. అలాగే, 256GB, 512GB, 1TB స్టోరేజ్ ఎంపికలలో వస్తున్నాయి.

ఈ ఫోన్‌ ఆండ్రాయిడ్ 15 ఆధారిత REDMAGIC OS 10.5 పై రన్ అవుతుంది. గేమింగ్ ప్రదర్శనను మెరుగుపరిచే విధంగా ఇందులో Red Core R3 Pro అనే ప్రత్యేకంగా రూపొందించిన గేమింగ్ చిప్, 10-లేయర్ ICE-X కూలింగ్ సిస్టమ్ ఉంది. ఇందులో లిక్విడ్ మెటల్ 2.0 ఉపయోగించబడింది. ఇది 23000 RPM సైలెంట్ RGB టర్బోఫ్యాన్ ద్వారా వేడి నియంత్రణను మెరుగుపరుస్తుంది.

Read Also: Sri Sri Sri Raja Vaaru Review: ఎన్టీఆర్ బావమరిది నార్నె నితిన్ ‘శ్రీశ్రీశ్రీ రాజావారు’ రివ్యూ

ఇక మొబైల్ లో బ్యాటరీ పరంగా చూస్తే.. ఇందులో 7050mAh బ్యాటరీ సామర్థ్యాన్ని కలిగి ఉంది. దీనికి 80W ఫాస్ట్ ఛార్జింగ్‌కు మద్దతు ఇస్తుంది. ఇక కెమెరా సెటప్ విషయానికి వస్తే.. 50MP ప్రధాన కెమెరా (OISతో), 50MP అల్ట్రా వైడ్ లెన్స్, 2MP మాక్రో కెమెరాలు ఉన్నాయి. ఇక సెల్ఫీల కోసం, 16MP అండర్-డిస్‌ప్లే కెమెరాను ఉపయోగించారు. ఇది కొత్త AI టెక్నాలజీతో ఉత్తమ ఫలితాలను ఇస్తుంది.

గేమింగ్ లక్ష్యంగా తయారు చేసిన ఈ ఫోన్‌లో 520Hz షోల్డర్ ట్రిగర్స్, DTS:X ULTRA స్టీరియో స్పీకర్లు, 3.5mm ఆడియో జాక్, RGB లైటింగ్ కలిగిన 23,000 RPM ఫ్యాన్ వంటి ప్రత్యేక ఫీచర్లు ఉన్నాయి. కనెక్టివిటీ పరంగా ఇది 5G, Wi-Fi 7, Bluetooth 5.4, NFC, ఇన్-డిస్‌ప్లే ఫింగర్‌ప్రింట్ సెన్సార్, ఇన్ఫ్రారెడ్ సెన్సార్ వంటి ఆధునిక ఫీచర్లను కలిగి ఉంది.

ఇక ఈ మొబైల్ ధరల విషయానికి వస్తే.. మొదటి వేరియంట్ నైట్ ఫాల్ (12GB+256GB – Matte Black) ధర 699 డాలర్లు (దాదాపు రూ. 60,025) కాగా.. రెండవ వేరియంట్ మూన్ లైట్ (16GB+512GB – సిల్వర్ ట్రాన్స్పరెంట్) / డస్క్ (16GB+512GB – బ్లాక్ ట్రాన్స్పరెంట్) ధర 848 డాలర్లు (దాదాపు రూ.72,820), మూడవ వేరియంట్ మూన్ లైట్ (24GB+1TB – సిల్వర్ ట్రాన్స్పరెంట్) / డస్క్ (24GB+1TB – బ్లాక్ ట్రాన్స్పరెంట్) ధర 999 డాలర్లు (దాదాపు రూ. 85,790)గా నిర్ణయించారు.