Ram Charan’s Game Changer Movie Update: రామ్ చరణ్‌ హీరోగా స్టార్ డైరెక్టర్ శంకర్‌ దర్శకత్వంలో తెరకెక్కుతోన్న సినిమా ‘గేమ్ ఛేంజర్’. దిల్‌ రాజు నిర్మిస్తున్న 50వ సినిమా కావడంతో బడ్జెట్‌ విషయంలో ఆయన ఎక్కడా రాజీపడడం లేదు. పొలిటికల్‌ యాక్షన్‌ ఎంటర్‌టైనర్‌గా వస్తున్న ఈ చిత్రంలో చరణ్‌ ద్విపాత్రాభినయంలో కనిపించనున్నారు. ఇప్పటికే కొన్ని షెడ్యూల్స్ పూర్తి చేసుకున్న గేమ్ ఛేంజర్ అప్‌డేట్స్‌ కోసం చరణ్‌ ఫ్యాన్స్‌ ఆసక్తిగా ఎదురుచూస్తున్నారు. ఈ నేపథ్యంలో మెగా ఫ్యాన్స్‌కు ఓ క్రేజీ అప్డేట్.
గేమ్ ఛేంజర్ చివరి షూటింగ్ షెడ్యూల్ నేడు ప్రారంభమైంది. రామోజీ ఫిల్మ్ సిటీలో వారం రోజుల పాటు షూటింగ్ ప్లాన్ చేశారు. ఈ షెడ్యూల్‌లో రామ్ చరణ్‌తో పాటు ఎస్‌జే సూర్య, నవీన్ చంద్ర కూడా పాల్గొంటారు. ఈ షెడ్యూల్‌తో షూటింగ్ పూర్తవుతుంది. గేమ్ ఛేంజర్ చిత్రంను దీపావళికి విడుదల చేయాలని చిత్ర యూనిట్ ప్లాన్ చేస్తోంది. ఇందులో చరణ్‌ సరసన కియారా అడ్వాణీ నటిస్తున్నారు. శ్రీకాంత్‌, అంజలి, ఎస్‌జే సూర్య, నవీన్ చంద్ర, సునీల్‌ తదితరులు కీలకపాత్రల్లో నటిస్తున్నారు.
Also Read: Suriya-Jyothika: 18 ఏళ్ల తర్వాత.. ఆఫ్‌స్క్రీన్‌, ఆన్‌స్క్రీన్‌ హిట్‌ జోడీ!
ఆర్ఆర్ఆర్ సినిమాతో గ్లోబల్ స్టార్‌గా ఎదిగిన రామ్ చరణ్‌ నుంచి వస్తున్న సినిమా కావడంతో గేమ్ ఛేంజర్‌పై భారీ అంచనాలు నెలకొన్నాయి. ఈ సినిమా నుంచి ఇప్పటికే వచ్చిన పోస్టర్స్, సాంగ్స్ సినిమాపై క్యూరియాసిటీని పెంచాయి. ఇటీవలే విడుదలైన ‘జరగండి జరగండి’ పాటకు మంచి రెస్పాన్స్ వచ్చింది. ఇప్పుడు గేమ్ ఛేంజర్ నుంచి మరో క్రేజీ సాంగ్ రానుందని తెలుస్తోంది.