SSMB29 : రాజమౌళి, మహేష్ మూవీ ప్రారంభం ఇప్పట్లో లేనట్టేనా..?

SSMB29 :టాలీవుడ్ సూపర్ స్టార్ మహేష్ బాబు ఈ ఏడాది సంక్రాంతి కానుకగా గుంటూరు కారం సినిమా తో ప్రేక్షకుల ముందుకు వచ్చాడు.మాటల మాంత్రికుడు త్రివిక్రమ్ తెరకెక్కించిన ఈ సినిమా బ్లాక్ బస్టర్ హిట్ అయింది.ప్రస్తుతం మహేష్ తన తరువాత సినిమా కోసం ఫ్యాన్స్ ఎంతో ఆసక్తి గా ఎదురు చూస్తున్నారు.మహేష్ తన తరువాత సినిమాను దర్శక ధీరుడు రాజమౌళి డైరెక్షన్ లో చేస్తున్న విషయం తెలిసిందే. ఆఫ్రికన్‌ ఫారెస్ట్ అడ్వెంచర్‌ నేపథ్యంలో బిగ్గెస్ట్ పాన్‌ వరల్డ్‌ చిత్రంగా ఈ సినిమా రూపొందుతుంది.”ఆర్‌ఆర్‌ఆర్‌” సినిమాతో గ్లోబల్ వైడ్ గా గుర్తింపు తెచ్చుకున్న రాజమౌళి తెరకెక్కిస్తున్న చిత్రం కావడంతో ఈ సినిమాపై ప్రపంచవ్యాప్తంగా భారీ అంచనాలు ఏర్పడ్డాయి. మహేష్ అభిమానులు ఈ సినిమా అనౌన్స్‌మెంట్‌ కోసం ఎంతో ఆసక్తి గా ఎదురుచూస్తున్నారు.

Read Also :Game Changer : ఆ రెండు సినిమాల మధ్య గ్యాప్ లోనే ‘గేమ్ ఛేంజర్’ రిలీజ్..?

ఈ సినిమా మహేష్‌బాబు కెరీర్ లో 29వ చిత్రంగా తెరకెక్కుతుంది.ఈ సినిమాను దుర్గ ఆర్ట్స్ బ్యానర్ పై కెఎల్.నారాయణ గ్రాండ్ గా నిర్మిస్తున్నారు.ఈ సినిమాకు ఆస్కార్ విన్నర్ ఎం.ఎం.కీరవాణి మ్యూజిక్ అందిస్తున్నారు. తాజాగా కీరవాణి ఓ నేషనల్ మీడియాకి ఇచ్చిన ఇంటర్వ్యూ లో కీలక వ్యాఖ్యలు చేసారు.నేను ఇంతవరకు మహేష్ ,రాజమౌళి సినిమాకు సంబంధించి మ్యూజిక్ వర్క్ స్టార్ట్ చేయలేదు.ఈ వారమే ఈ సినిమా కథ లాక్ అయింది.ప్రస్తుతం ఈ సినిమా టెస్ట్ షూట్స్ జరుగుతున్నాయి.జులై లేదా ఆగస్టు లో మ్యూజిక్ వర్క్ స్టార్ట్ చేస్తా అని కీరవాణి తెలిపారు.రీసెంట్ గా కథ లాక్ కావడంతో ఈ సినిమా ప్రీ ప్రొడక్షన్ వర్క్ చాలా టైం పెట్టనున్నట్లు తెలుస్తుంది.దీనితో ఈ మూవీ ఈ ఏడాది ప్రారంభం అయ్యే ఛాన్స్ లేదని తెలుస్తుంది.మరి మహేష్ బర్త్ డే కి అయినా మేకర్స్ స్పెషల్ అప్డేట్ ఇస్తారేమో చూడాలి.