Pushpa 2 : “పుష్ప 2” ట్రైలర్.. ఫినిషింగ్ మోడ్ లో చిత్ర యూనిట్ ?

Pushpa 2 : ప్రపంచ వ్యాప్తంగా ఎప్పుడెప్పుడు రిలీజ్ అవుతుందా అని ఎదురు చూస్తున్న సినిమాల్లో అల్లు అర్జున్ పుష్ప 2 నంబర్ 1 ప్లేసులో ఉంది. ఈ సినిమా డిసెంబర్ ఐదో తేదీన ప్రేక్షకుల ముందుకు వచ్చేందుకు పుష్ప రాజ్ రెడీ అవుతున్నాడు. నిజానికి సుకుమార్ దర్శకత్వంలో తెరకెక్కిన పుష్ప మొదటి భాగం రిలీజ్ అవుతున్నప్పుడు ఈ సినిమా ఈ రేంజ్ లో హిట్ అవుతుందని టీం తప్ప బయట వాళ్లు ఎవరూ ఊహించి ఉండరు. కానీ రిలీజ్ అయిన తర్వాత తెలుగు రాష్ట్రాలతో పాటు ఇతర రాష్ట్రాల్లో కూడా భారీగా కలెక్షన్స్ వచ్చాయి. దానికి తోడు ఊహించని విధంగా హిందీ బెల్ట్ లో సినిమా గట్టిగా నడిచింది. అల్లు అర్జున్ ఈ సినిమా పాన్ ఇండియా లెవల్లో విపరీతమైన క్రేజ్ తీసుకురావడమే.. కాక తెలుగు సినిమాకి మరొక బ్లాక్ బస్టర్ హిట్ అందేలా చేసింది. అయితే ఈ దెబ్బతో ఇప్పుడు పుష్ప 2 మీద స్పెషల్ ఫోకస్ పెట్టింది టీం. రీ షుట్లు చేస్తున్నారనే ప్రచారం జరుగుతోంది కానీ నిర్మాతలు అవేమీ లేదంటున్నారు. మొత్తం మీద ఒక రకంగా సుకుమార్ ఈ పుష్ప 2 సినిమాను జక్కన్న చెక్కినట్టే చెక్కుతున్నాడు.

Read Also:Bank of Baroda Jobs: బ్యాంక్ ఆఫ్ బరోడాలో భారీగా ఉద్యోగాలు.. వివరాలు ఇలా

ఎక్కడ సీన్ కాస్త అనుమానం వచ్చినా దాన్ని మార్చేస్తూ సినిమాని ఒక అద్భుతమైన ఘట్టంగా ప్రేక్షకులు ముందుకు తీసుకువచ్చే ప్రయత్నం చేస్తున్నారు. అయితే ఈ సినిమాతో పోటీ పడడానికి మరే సినిమాలు సాహసం చేయడం లేదు. తాజాగా ఈ సినిమాతో పోటీ పడలేక విక్కీ కౌశల్ హీరోగా నటించిన చావా సినిమా వెనక్కి తగ్గబోతుంది. కేవలం ఆ సినిమా మాత్రమే కాదు ఇతర భాషల్లో కూడా పుష్పా 2 రిలీజ్ అవుతుందంటే అదేదో డైరెక్ట్ సినిమా లాగానే ఇతర సినిమాలను పక్కన పెట్టడానికి ప్రయత్నాలు చేస్తున్నట్లుగా ప్రచారం జరుగుతుంది. కాగా ఈ సినిమా రికార్డు బిజినెస్ ని చేస్తుండగా ఇపుడు సినిమా దాదాపు ఫైనల్ అయిపోయే స్టేజీలోకి వచ్చేసింది. ఇంకా స్పెషల్ సాంగ్ బ్యాలన్స్ ఉండగా ఈ సినిమా నుంచి నెక్స్ట్ ఏ టీజర్ లాంటిది లేకుండా డైరెక్ట్ ట్రైలర్ మాత్రమే వస్తుందని ఆల్రెడీ కన్ఫర్మ్ అయింది. అయితే ఈ ట్రైలర్ పై ఇపుడు ఆసక్తికర వార్త తెలుస్తుంది. ప్రస్తుతం ట్రైలర్ డబ్బింగ్ పనులు జరుగుతున్నట్లు సమాచారం. ఇటీవలే అల్లు అర్జున్ కూడా ట్రైలర్ సహా సినిమా డబ్బింగ్ పనులు స్టార్ట్ చేసేశాడట. ఇందులో భాగంగానే ట్రైలర్ డబ్బింగ్ కూడా పూర్తి కానున్నట్లుగా తెలుస్తుంది. మరి ఈ ట్రైలర్ ని నవంబర్ మధ్యలోనే విడుదల చేసే అవకాశం ఉన్నట్లు రూమర్స్ వినిపిస్తున్నాయి. మరి ట్రైలర్ వచ్చాక పుష్ప 2 పై అంచనాలు ఎక్కడ వరకు వెళ్తాయో చూడాలి.

Read Also:Telangana TET Notification: నేడు టెట్ నోటిఫికేషన్… జాబ్ కేలండర్ ప్రకారం నిర్వహణ..