Punjab: పోలీస్ స్టేషన్లో అవినీతికి వ్యతిరేకంగా రోడ్డుపై అడ్డంగా పడుకున్న హోంగార్డు.. వీడియో వైరల్
Punjab: పంజాబ్లోని జలంధర్లోని హైవేపై ఓ పోలీసు హఠాత్తుగా పడుకున్నాడు. ఎందుకు ఇలా చేస్తున్నాడో చుట్టుపక్కల వారికి అర్థం కాలేదు. తన సొంత పోలీస్ స్టేషన్లోనే అవినీతికి వ్యతిరేకంగా ఆ పోలీసు నిరసన తెలిపాడు. నేరాల నిరోధించాల్సిన పోలీసులే నిందుతుల వంతుపాడుతూ వారికి మద్దతు పలుకుతున్నాడని ఆవేదన వ్యక్తం చేశాడు. అందుకే రోడ్డుపై పడుకున్నాడని తెలుస్తోంది. ఇలాంటి నిరసనను చూసి ప్రయాణికులు ఆశ్చర్యపోయారు. ఆ రోడ్డుపై చాలా సేపటివరకు ట్రాఫిక్ జామ్ అయింది.
పోలీసుల నిరసనకు సంబంధించిన వీడియో సోషల్ మీడియాలో వైరల్ అవుతోంది. వైరల్ వీడియోలో, ‘నేను దొంగలను పట్టుకుంటాను, నా పోలీస్ స్టేషన్లోని పోలీసులు డబ్బు తీసుకున్న తర్వాత వారిని విడిచిపెడతారు’ అని పోలీసు చెప్పడం కనిపిస్తుంది. వీడియోలో పోలీసు అతన్ని రోడ్డుపై తన్నడం కనిపిస్తుంది. పోలీసులు ఆ వ్యక్తి ఆరోపణలను తోసిపుచ్చారు. అతను తన్నలేదని కూడా పేర్కొన్నారు. ఈ ఘటన జలంధర్లోని భోగ్పూర్ ప్రాంతంలోని పఠాన్కోట్ హైవేపై జరిగింది. హోంగార్డు జవాన్లు ఓ వ్యక్తిని అరెస్ట్ చేసి భోగ్పూర్ పోలీస్ స్టేషన్కు తరలించారు. అతను నిన్న పోలీస్ స్టేషన్కి వెళ్లి ఆ వ్యక్తి గురించి అడగగా, తోటి పోలీసులు తప్పించుకునే సమాధానాలు చెప్పారు.
Read Also:Sunday Stotram: ఈ స్తోత్రాలు వింటే మీ ఇంట్లో అనారోగ్య సమస్యలు ఉండవు
‘Jehra mai chor fad ke liauna oh Thane Wale paise laike chadi jande’
रिश्वतखोरी से दुखी हो कर पुलिस मुलाजिम ने #jalandhar के भोगपुर में रोड जाम कर विरोध प्रदर्शन किया। #PunjabPolice pic.twitter.com/QyajO37Cvd— Harpinder Singh (@HarpinderTohra) July 22, 2023
హోంగార్డు జవాన్ హైవేపై బైఠాయించి నిరసన తెలిపారు. వీడియోలో అతను వాహనాలను ఆపుతున్న దృశ్యం. ట్రాఫిక్ను ఆపేందుకు నాలుగు లేన్లలో తాడు కట్టేస్తున్నాడు. తోటి పోలీసు అతన్ని తిడుతూ తాడు విప్పుతున్నాడు. నిరసన వ్యక్తం చేస్తున్న వ్యక్తి బస్సు ముందు పడుకున్నాడు. ఆ వ్యక్తితో మరో పోలీసు వాగ్వాదానికి దిగాడు. అతడిని ఎత్తుకోవడానికి ప్రయత్నించి తన్నడం కనిపించింది. హోంగార్డు జవాన్ వెనక్కి వెళ్లేందుకు నిరాకరించాడు. బస్సు అతనిని దాటడానికి ప్రయత్నించినప్పుడు, అతను లేచి మళ్ళీ దాని ముందు పడుకున్నాడు.
భోగ్పూర్ పోలీస్ స్టేషన్ ఇన్చార్జి సుఖ్జిత్ సింగ్ మాట్లాడుతూ.. ‘ఒక గొడవకు సంబంధించి ఓ యువకుడిని హోంగార్డు పోలీస్ స్టేషన్కు తీసుకువచ్చాడు. ఆ వ్యక్తి బెయిల్ కోసం దరఖాస్తు చేసుకున్నాడు, అది మంజూరు చేయబడింది. దీని తర్వాత అతను విడుదలయ్యాడు. హోంగార్డు జవాన్ను తన్నడం లేదని సుఖ్జిత్ సింగ్ పేర్కొన్నారు.
Read Also:IndvsWi: సెకండ్ టెస్టులో నిలకడగా ఆడుతున్న విండీస్