Kolkata Doctor Murder: కోల్‌కతా పోలీస్ హెడ్‌క్వార్టర్స్ వెలుపల బీజేపీ ధర్నా.. రేపు బెంగాల్ బంద్‌!

కోల్ కతా ట్రైనీ డాక్టర్ అత్యాచారం, హత్య కేసుపై దేశ వ్యాప్తంగా విద్యార్థుల నిరసనలు కొనసాగుతున్న వేళ కోల్ కతా మాంత్రం అట్టుడికి పోతుంది. విద్యార్థులు మరోసారి పెద్ద సంఖ్యలో రోడ్లపైకి వచ్చారు. పశ్చిమ బెంగాల్ ముఖ్యమంత్రి మమతా బెనర్జీ రాజీనామా చేయాలని డిమాండ్ చేస్తూ నినాదాలు చేస్తున్నారు. పోలీసులు వారిపై లాఠీఛార్జి చేస్తున్నారు. ఘటనా స్థలానికి బీజేపీ రాష్ట్ర అధ్యక్షుడు, ప్రతినిధులు బయలు దేరారు. బెంగాల్ బీజేపీ అధ్యక్షుడు సుకాంత్ మజుందార్, పార్టీ ప్రతినిధి బృందాన్ని కోల్‌కతా పోలీస్ హెడ్‌క్వార్టర్స్‌కు తరలించారు. సుకాంత్ మజుందార్ నేతృత్వంలో కోల్‌కతా పోలీస్ హెడ్‌క్వార్టర్స్ వెలుపల బీజేపీ కార్యకర్తలు సమ్మెలో కూర్చున్నారు.

READ MORE: BJP: వైసీపీకి మరో షాక్‌.. బీజేపీలో చేరిన కార్పొరేటర్

బీజేపీ రేపు 12 గంటల బెంగాల్ బంద్..
పశ్చిమ బెంగాల్ బీజేపీ అధ్యక్షుడు సుకాంత మజుందార్ నిరసనకారులపై పోలీసుల బలప్రయోగాన్ని విమర్శించారు. విద్యార్థులపై పోలీసులు లాఠీచార్జి చేసి బాష్పవాయువు ప్రయోగించారని, కొందరు పోలీసులు మత్తులో ఉన్నట్లు తెలిసిందన్నారు. పోలీసులు బాష్పవాయువు, రసాయనాలు కలిపిన నీటిని పిచికారీ చేశారు. బీజేపీ అధ్యక్షుడు మాట్లాడుతూ.. “విద్యార్థులు ఏమైనా తప్పు చేశారా? మత్తులో ఉన్న మహిళ తలపై లాఠీతో కొట్టారు. ఇది బెంగాల్‌ను రక్షించడానికి సామాన్య ప్రజల ఉద్యమం. ఒక విద్యార్థిని గాయపడింది. ఆసుపత్రిలో చేరింది. మారో విద్యార్థిపై కాల్పులు జరిపారు. దీంతో రాష్ట్రంలోని అధికార పార్టీతో లెఫ్ట్‌ఫ్రంట్ ముమ్మరంగా ఏర్పాట్లు చేసుకుంటున్నట్లు రుజువైంది. రేపు లేదా మరుసటి రోజు నుంచి బీజేపీ ఆధ్వర్యంలో సమ్మెకు దిగుతాం.ఈ ఘటనపై విచారణ చేపట్టాలని హైకోర్టును ఆశ్రయిస్తాం. నిరసనకు పోలీసులు అనుమతి ఇవ్వలేదు. కానీ.. బీజేపీ మహిళా మోర్చా ఆధ్వర్యంలో ఆగస్టు 30న కూడా మహిళా కమిషన్ కార్యాలయంపై ‘లాక్ అవుట్ క్యాంపెయిన్’ నిర్వహించనుంది. నేటి ఘటనకు నిరసనగా రేపు 12 గంటలకు బెంగాల్ బంద్‌కు పిలుపునిస్తున్నాం. ఉదయం 6 గంటల నుంచి సాయంత్రం 6 గంటల వరకు బంద్ కొనసాగుతుంది.” అని వ్యాఖ్యానించారు.

#WATCH | Union Minister and West Bengal BJP president Sukanta Majumdar says "…Tomorrow West Bengal students are going to protest in a peaceful democratic way, what is the point of obstructing that? Students have announced it through a press conference, which means you (police)… pic.twitter.com/3YlYoOjdXg

— ANI (@ANI) August 26, 2024