Prabhas Support ‘Love Reddy’ : చిన్న సినిమాకి ప్రభాస్ సపోర్ట్.. ఆదరించాలని కోరిన రెబల్‌స్టార్

అంజన్ రామచంద్ర, శ్రావణి రెడ్డి హీరో హీరోయిన్లు గా నటించిన “లవ్ రెడ్డి” సినిమాకు ఓ ప్రముఖ హీరో ఆదరణ లభించింది. కొన్ని వాస్తవ సంఘటనల ఆధారంగా స్వచ్ఛమైన ప్రేమకథగా నూతన దర్శకుడు స్మరన్ రెడ్డి ఈ చిత్రాన్ని రూపొందించారు. గీతాన్స్ ప్రొడక్షన్స్, సెహెరి స్టూడియో, ఎమ్జీఆర్ ఫిలిమ్స్ బ్యానర్స్ సంయుక్తంగా నిర్మించిన ఈ చిత్రం ఈ నెల18న గ్రాండ్ థియేట్రికల్ రిలీజ్ అయ్యింది. తాజాగా ఈ సినిమాపై రెబల్ స్టార్ ప్రభాస్ స్పందించాడు. లవ్ రెడ్డి చిత్రాన్ని ప్రోత్సహిస్తూ ఇన్ స్టా వేదికగా తన మద్దతు ప్రకటించాడు. ఈ చిత్రానికి సంబంధించి ఎన్నో మంచి విషయాలు తన దృష్టికి వచ్చాయని, ఇటీవల కాలంలో విడుదలైన ప్రేమ కథల్లో లవ్ రెడ్డి మంచి చిత్రంగా నిలువడం ఆనందంగా ఉందని ప్రభాస్ పేర్కొన్నాడు.

READ MORE: Vizianagaram: గుర్ల‌లో అదుపులోకొచ్చిన డ‌యేరియా.. తాగునీటి కాలుష్యం వల్లే వ్యాధి

లవ్ రెడ్డి ట్రైలర్ ను షేర్ చేసిన రెబల్ స్టార్ ఆ చిత్రానికి అండంగా నిలవాలని తన అభిమానులను కోరాడు. ఇప్పటికే ఈ చిత్రానికి యువ నటుడు కిరణ్ అబ్బవరం ముందుకొచ్చి తెలుగు రాష్ట్రాల్లో 4 స్పాన్సర్ షోలు వేసి తన మద్దతు ప్రకటించిన విషయం తెలిసిందే. ప్రభాస్ లాంటి పెద్ద హీరోలు తమ సినిమాకు సపోర్ట్ చేయడంతో చిత్ర బృందం సంతోషం వ్యక్తం చేసింది. హిరో మద్దతుపై సామాజిక సోషల్ మీడియాలో నెటిజన్లు ప్రశంసలు కురిపిస్తున్నారు.