Kaushik Reddy: రేపు విచారణకు హాజరు కావాలి.. పాడి కౌశిక్ రెడ్డికి నోటీసులు

హుజురాబాద్ ఎమ్మెల్యే పాడి కౌశిక్ రెడ్డికి పోలీసులు నోటీసులు జారీ చేశారు. రేపు విచారణకు హాజరు కావాలని మాసబ్ ట్యాంక్ పోలీసులు నోటీసులు ఇచ్చారు. ఈ క్రమంలో.. రేపు కరీంనగర్ కోర్టుకు వెళ్ళాలని.. 17న విచారణకు హాజరవుతాన్న కౌశిక్ రెడ్డి పోలీసులకు సమాధానం ఇచ్చారు. కాగా.. బంజారాహిల్స్ ఇన్పెక్టర్ విధులు అడ్డుకోవడం, బెదిరింపుల వ్యవహారంలో గతంలో కౌశిక్ రెడ్డిపై కేసు నమోదైంది. ఈ ఘటనపై బంజారాహిల్స్ ఠాణాలోనే ఇన్స్పెక్టర్ రాఘవేందర్ ఫిర్యాదు చేశారు. ఈ కేసులో మాసబ్ ట్యాంక్ ఇన్స్పెక్టర్‌ను దర్యాప్తు అధికారిగా నియమించారు అధికారులు.

Read Also: Ukraine War: ‘‘మాకు సాయం చేయండి’’.. ఉక్రెయిన్ యుద్ధంలో చిక్కుకున్న కేరళ వాసి..

ఇదిలా ఉంటే.. ఆదివారం కరీంనగర్ కలెక్టరేట్​లో మంత్రులు నిర్వహించిన సమీక్ష సందర్భంగా కౌశిక్​రెడ్డి, జగిత్యాల ఎమ్మెల్యే సంజయ్​ల మధ్య తీవ్రవాగ్వాదం చేసుకొని సమావేశం రసాభాసగా మారింది. దీంతో పాడి కౌశిక్ రెడ్డిపై ఎమ్మెల్యే సంజయ్ ఫిర్యాదు చేశారు. ఈ క్రమంలో.. కౌశిక్ రెడ్డిపై కేసు నమోదు చేసి అరెస్ట్ చేశారు. అయితే.. ఈ వ్యవహారంలో కౌశిక్ రెడ్డి అరెస్టై బెయిల్ పై బయటకు వచ్చారు. తాజాగా పోలీసులు మరోసారి నోటీసులు ఇచ్చారు.

Read Also: Income Tax: కూల్ డ్రింక్స్ వ్యాపారికి కోటి రూపాయల ఇన్‌కమ్‌ ట్యాక్స్‌.. షాపు చూసి అవాక్కైన అధికారులు!