Vladimir Putin: మోడీ గొప్ప దేశ భక్తుడు.. ప్రశంసల జల్లు కురిపించిన పుతిన్
Vladimir Putin: భారత ప్రధానమంత్రి నరేంద్ర మోడీని రష్యా అధ్యక్షుడు వ్లాదిమిర్ పుతిన్ పొగడ్తలతో ముంచెత్తారు. పుతిన్ గురువారం మాస్కోకు చెందిన థింక్ ట్యాంక్ వాల్డాయ్ డిస్కషన్ క్లబ్లో తన వార్షిక ప్రసంగంలో ప్రధాని నరేంద్ర మోడీ స్వతంత్ర విదేశాంగ విధానాన్ని ప్రశంసించారు. భారతదేశంలో ఆయన నాయకత్వంలో చాలా జరిగిందని ఆయన అన్నారు.’మేకిన్ ఇండియా’ అనేది ప్రధాని మోడీ అద్భుతమైన ఆలోచన అని… ఇది ఆర్థికపరంగానే కాకుండా, నైతికపరంగా కూడా చాలా గొప్ప కార్యక్రమమని పుతిన్ చెప్పారు.
Minister Asks Collector: మద్యం తాగుతావా.. కలెక్టర్ను అడిగిన మంత్రి, మండిపడుతున్న విపక్షాలు
భవిష్యత్తు భారత్దేనని, ప్రపంచంలోనే అతిపెద్ద ప్రజాస్వామ్య దేశం అయినందుకు భారత్ గర్వించాలని పుతిన్ వ్యాఖ్యానించారు. బ్రిటీష్ పాలన నుంచి అభివృద్ధి చెందిన దేశంగా భారత్ ఎదుగుదల గురించి ఆయన ప్రశంసల వర్షం కురిపించారు. 1.5 బిలియన్ ప్రజలు, అభివృద్ధి కారణంగా ప్రతిఒక్కరూ వారిని గౌరవిస్తారని ఆయన పేర్కొన్నారు. భారత్తో రష్యాకు ప్రత్యేకమైన బంధాలు ఉన్నాయని పుతిన్ చెప్పారు. ఎన్నో దశాబ్దాలుగా రెండు దేశాల మధ్య బలమైన స్నేహం ఉందన్నారు. రెండు దేశాల మధ్య ఎప్పుడూ ఏ సమస్య కూడా రాలేదని.. ప్రస్తుత పరిస్థితుల్లో కూడా ఇరు దేశాలు సహకరించుకుంటున్నాయని చెప్పారు. భవిష్యత్లో కూడా రెండు దేశాలు ఇదే అనుబంధాన్ని కొనసాగిస్తాయని అన్నారు. భారత్లో వ్యవసాయం కోసం ఎరువుల సరఫరా పెంచాలని ప్రధాని మోడీ కోరారని.. ఈ నేపథ్యంలో సరఫరాను 7.6 శాతం రెట్లు పెంచామని వ్లాదిమిర్ పుతిన్ వివరించారు. వ్యవసాయంలో వాణిజ్యం దాదాపు రెండింతలు పెరిగిందన్నారు. ఆ సమయంలో పాశ్చాత్య దేశాలపై ఆయన విమర్శలు గుప్పించారు. ప్రపంచంపై ఆధిపత్యాన్ని ప్రదర్శించేందుకు ఆ దేశాలు ప్రయత్నిస్తుంటాయని మండిపడ్డారు