Perni Nani: బెదిరింపులకు బెదిరేది లేదు.. జనసైనికుల ఆందోళనపై స్పందించిన పేర్ని నాని

Perni Nani: పవన్‌పై పేర్ని నాని వ్యాఖ్యలపై నిరసనగా పేర్ని నాని ఇంటి ముందు జనసేన నేతలు ఆందోళన చేపట్టారు. పేర్ని నాని దిష్టి బొమ్మ దహనం చేశారు. ఈ క్రమంలో భారీగా పోలీసులు మోహరించి.. జనసేన నేతలను పోలీసులు అదుపులోకి తీసుకున్నారు. జన సేన నేతలు ఇంటి ముందు ఆందోళన చేయటంపై పేర్ని నాని కుమారుడు పేర్ని కిట్టు ఆగ్రహం వ్యక్తం చేశారు.

Read Also: NMD Farooq: బిగ్ బాస్ కిరాక్ సీతకు మద్దతు పలికిన ఏపీ మంత్రి..

అనంతరం జనసైనికుల ఆందోళనపై వైసీపీ నేత, మాజీ మంత్రి పేర్ని నాని స్పందించారు. పవన్ కళ్యాణ్‌ను హెచ్చరిస్తున్నామని.. ఉడత ఊపులకు, బెదిరింపులకు బెదిరేది లేదని పేర్కొన్నారు. సినిమా నటనతో రాజకీయ ప్రవేశం చేసి పవన్ కల్యాణ్‌కు నోటికి వచ్చినట్టు ఇష్టాసారంగా సిద్ధాంతం లేకుండా మాట్లాడుతున్నారన్నారు. కులం లేదు మతం లేదు అని, హిందువులందరిని రెచ్చగొడుతున్నారని విమర్శించారు. తన వ్యాఖ్యలతో మతాలను రెచ్చగొడుతున్న పవన్ కళ్యాణ్ వ్యవహారాన్ని మీడియా సాక్షిగా ఎండగట్టానన్నారు. బాధ్యతాయుతమైన ఉప ముఖ్యమంత్రి పదవిలో ఉండి ఆ బాధ్యతలు మరిచి ప్రవర్తించటం సిగ్గుమాలిన పని కాదా అంటూ ప్రశ్నించారు. నిన్న మధ్యాహ్నం పవన్ కల్యాణ్‌ను ప్రశ్నిస్తే ప్లాన్ ప్రకారం కార్యకర్తలను తన ఇంటి పైకి పంపారన్నారు. ఇలాంటి చర్యలకు తాను, వైఎస్ఆర్సీపీ పార్టీ భయపడమన్నారు. ఈ విషయం పవన్ కళ్యాణ్, జనసేన పార్టీ గుర్తుపెట్టుకోవాలన్నారు. మా ఇంటికి మీ ఇల్లు ఎంత దూరం మో మీ ఇంటికి మా ఇల్లు అంతే దూరమని మాజీ మంత్రి పేర్ని నాని స్పష్టం చేశారు.