Off The Record: ఆర్జీవీ, పోలీసుల మధ్య దాగుడు మూతలు ఇంక్కేన్నాళ్ళు?.. వర్మ సవాల్ విసురుతున్నారా?
- రామ్గోపాల్వర్మ, ప్రకాశం పోలీసుల మధ్య దోబూచులాట?..
- వర్మ పోలీసులకు సవాల్ విసురుతున్నారా?..
- పోలీసులకు కనిపించరు, మరి ఇంటర్వ్యూలు ఎలా?..
- పోలీసులనే సవాల్ చేస్తున్నట్టుగా వర్మ వ్యాఖ్యలు..
- కావాలని పోలీసుల్ని రెచ్చగొడుతున్నారా అన్న టాక్..
- సెక్షన్స్, లాజిక్కులు లాగడం మింగుడు పడటం లేదా?..
- Follow Us :
-
-
Add as a preferred
source on google
Off The Record: వివాదాస్పద దర్శకుడు రామ్ గోపాల్ వర్మపై ఇటీవల ఏపీలో వరుసగా కేసులు బుక్ అవుతున్నాయి. గతంలో సీఎం చంద్రబాబు, డిప్యూటీ సీఎం పవన్ కల్యాణ్, మంత్రి లోకేష్ ఫోటోలను మార్ఫింగ్ చేయడంతో పాటు అనుచిత వ్యాఖ్యలు చేశారంటూ ప్రకాశం జిల్లా మద్దిపాడులో టీడీపీ నేత రామలింగం ఫిర్యాదు చేశారు. ఆ మేరకు హైదరాబాద్లోని వర్మ నివాసానికి వెళ్లి విచారణకు హాజరు కావాలని నోటీసులు ఇచ్చి వచ్చారు ప్రకాశం పోలీసులు. ఇక ఆ తర్వాతి నుంచి అసలాట మొదలైంది. ఎప్పటికప్పుడు పోలీసులతో దోబూచులాడుతున్న వర్మ… ఒక రకంగా వారికి సవాల్ విసురుతున్నట్టే కనిపిస్తోందని అంటున్నారు రాజకీయ పరిశీలకులు. షూటింగ్స్ పేరుతో ఇప్పటికి రెండు సార్లు విచారణకు డుమ్మా కొట్టారాయన. వర్మను అరెస్ట్ చేసేందుకు ఒంగోలు పోలీసులు హైదరాబాద్ వెళ్ళినా.. వర్కౌట్ కాలేదు. పోలీసులు వెదుకుతున్నంత సేపు ఎక్కడా కనిపించని, వినిపించని ఈ వివాదాస్పద దర్శకుడు.. తర్వాత సడన్గా ఓ వీడియో రిలీజ్ చేసి తాను ఎక్కడికీ పారిపోలేదంటూ బుకాయింపు మొదలుపెట్టారు.
Read Also: CM and Deputy CM Meeting: సీఎం, డిప్యూటీ సీఎం భేటీ.. అసలు వారిద్దరి మధ్య ఏం చర్చ జరిగింది..?
Also Read
- Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
- Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
- Ind Vs NZ: వెల్లింగ్టన్ టెస్టుకు ముందు టీమిండియాకు ఎదురుదెబ్బ.. ఫీజులో 35 శాతం కోత..
- Uttam Kumar Reddy : నీటి హక్కులపై వెనక్కి తగ్గేది లేదు.. బీఆర్ఎస్పై ఉత్తమ్ ఫైర్
అసలు ఈ మార్ఫింగ్ కుట్రని ఛేదించాల్సిన బాధ్యత పోలీసుల మీదనే ఉందంటూ అడ్డంగా వాదించడం వర్మకే చెల్లిందన్నది పొలిటికల్ పండిట్స్ మాట. ఈ క్రమంలోనే…తనపై నమోదైన కేసును కొట్టేయాలని వర్మ హైకోర్టుకు వెళ్ళడం,న్యాయస్థానం ఆ పిటిషన్ను తిరస్కరించటం జరిగిపోయాయి. అరెస్ట్ నుంచి రక్షణ కల్పిస్తూ మధ్యంతర ఉత్తర్వులు ఇచ్చేందుకు కూడా హైకోర్టు నిరాకరించింది. ఏదన్నా ఉంటే పోలీసుల దగ్గరే తేల్చుకోమని కూడా సూచించింది న్యాయ స్థానం. ఓవైపు షూటింగ్స్ పేరుతో విచారణకు హాజరవకపోవడం, మరోవైపు ఇంటర్వ్వూల పేరుతో రోజుకో రకమైన వివాదాస్పద వ్యాఖ్య చేయడం, ఇంకా చెప్పాలంటే పోలీసులనే టార్గెట్ చేస్తున్నట్టుగా మాట్లాడ్డం డిపార్ట్మెంట్కు అస్సలు మింగుడుపడటం లేదట. ఇదేమైనా ఎమర్జెన్సీ కేసా.. అసలు కేసుకు ఏమైనా అర్థం ఉందా.. అంటూ తనదైన స్టైల్లో పంచ్లు ఇవ్వడం చూస్తుంటే… కావాలని పోలీసుల్ని రెచ్చగొడుతున్నట్టుగా అనిపిస్తోందన్న వాదన సైతం బలపడుతోందట రాజకీయవర్గాల్లో. తాను ఎవరిమీద ట్వీట్స్ పెట్టానో వాళ్లకు సంబంధం లేకుండా ఎవరో థర్డ్ పార్టీ కేసు పెడితే.. సెక్షన్స్ ఎలా వర్తిస్తాయంటూ లా పాయింట్లు లాగడం పోలీసులకు మింగుడు పడటం లేదన్నదన్నది డిపార్ట్మెంట్ టాక్.
Read Also: Scooty Running Without Rider: ఇదేందయ్యా ఇది.. మనిషి లేకుండానే స్కూటీ అలా వెళ్లిపోతోంది
అసలా మార్ఫింగ్ ఫోటోల ట్వీట్స్ గురించి మాట్లాడితే… ఇప్పటికి కొన్ని వేలు పెట్టానని, ఏది ఎప్పుడు పెట్టానో తెలియదని వెటకారపు సమాధానాలు వింటున్న పోలీసులకు ఎక్కడో కాలిపోతోందట. సోషల్ మీడియాలో పోస్టులు పెట్టిన వాళ్ళందరి మీద కేసులు పెడతామంటే…, జైళ్లు సరిపోతాయా అంటూ వర్మ వాదించడం ప్రకాశం పోలీసులకు పుండు మీద కారం చల్లినట్టుగా ఉందని అంటున్నారు. ముందు విచారణకు సహకరిస్తానని చెప్పిన దర్శకుడు…. ఇప్పుడు ఎక్కడో ఉండి తమను కించపరిచేలా మాట్లాడ్డాన్ని తీవ్రంగానే పరిగణిస్తున్నట్టు సమాచారం. ఎక్కడో చాటున ఉండి అడ్డదిడ్డమైన వాదనలు చేయడం కాదు… అంతగా తాను తప్పు చేయలేనదన్న నమ్మకం, ధైర్యం ఉంటే… చట్ట ప్రకారం ముందుకు వచ్చి తాము అడిగే ప్రశ్నలకు సమాధానాలు చెప్పవచ్చుకదా అన్న చర్చ జరుగుతోందట రాజకీయ వర్గాల్లో. దీంతో పోలీసులను ఫేస్ చేసే ధైర్యం రావడం లేదంటేనే… ఆయనకు తాను తప్పు చేశానన్న సంగతి అర్ధం అవుతున్నట్టేకదా అన్న వాదన బలపడుతోంది. రామ్గోపాల్వర్మ.. ముందు చాటుమాటున ఉండి శ్రీరంగ నీతులు చెప్పటం మాని విచారణకు హాజరు కావాలని, లేదంటే చట్ట ప్రకారం ముందుకు వెళ్తామంటున్నారట పోలీసులు.. హైకోర్టు ముందస్తు బెయిల్ ఇచ్చినా పోలీసుల విచారణకు హాజరవ్వాల్సిందేనని, అందులో ఎలాంటి మినహాయింపులు ఉండవని అంటున్నారట ప్రకాశం పోలీస్ అధికారులు. ఈ దాగుడు మూతలు ఎన్నాళ్ళు నడుస్తాయో… చివరికి ఎవరిది పైచేయి అవుతుందో చూడాలి మరి.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..