NTRNeel: సైలెంటుగా పని మొదలెడుతున్న యంగ్ టైగర్

జూనియర్ ఎన్టీఆర్ దేవర సినిమాతో ఊహించని విజయాన్ని అందుకున్నాడు. నిజానికి ఆ విజయాన్ని ఊహించారు కానీ ఆ ఊహకు మించి కలెక్షన్స్ అయితే వచ్చాయి. అయితే ఆయనకి ఇప్పటివరకు సోలో హీరోగా 1000 కోట్ల సినిమా ఒకటి కూడా లేదు. ఆర్ఆర్ఆర్ సినిమా ఉన్నా సరే రాజమౌళితో పాటు రామ్ చరణ్ కి కూడా క్రెడిట్ ఇవ్వాలి. కాబట్టి ఆయన సింగిల్ వెయ్యికోట్ల సినిమా కోసం అభిమానులు విపరీతంగా ఆసక్తికరంగా ఎదురు చూస్తున్నారు. ప్రస్తుతానికి దేవర తర్వాత ఆయన ప్రశాంత్ నీల్ దర్శకత్వంలో ఒక సినిమా చేయాల్సి ఉంది. ఈ సినిమాకి ఇంకా టైటిల్ ఫిక్స్ చేయలేదు కానీ ఎన్టీఆర్ నీల్ అనే హ్యాష్ ట్యాగ్ తో రిఫర్ చేస్తున్నారు.

READ MORE: Sam Pitroda: ‘‘అక్రమ బంగ్లాదేశీయుల్ని భారత్‌లోకి రానివ్వండి’’.. రాహుల్ గాంధీ సన్నిహితుడి వ్యాఖ్యలు..

ఇక ఈ సినిమాకి సంబంధించిన రెగ్యులర్ షూటింగ్ వచ్చేవారం మొదలు కాబోతున్నట్లుగా తెలుస్తోంది. నిజానికి ఈ రోజే ఈ సినిమా షూటింగ్ మొదలు పెట్టాల్సి ఉంది కానీ పలు కారణాలతో సినిమా షూటింగ్ ఈరోజు అయితే ప్రారంభం కాలేదు. వచ్చేవారం నుంచి ఈ సినిమా షూటింగ్ మొదలుపెట్టి ఈ ఏడాది చివరిలోపు రిలీజ్ చేసే ప్రణాళికలు సిద్ధం చేస్తున్నారు. ఈ సినిమాని మైత్రి మూవీ మేకర్స్ భారీ బడ్జెట్ తో నిర్మిస్తోంది. ప్రశాంత్ నీల్ తన రెగ్యులర్ టీంతో ఈ సినిమాని కూడా పూర్తి చేయబోతున్నాడు. ప్రశాంత్ నీల్ ఎన్టీఆర్ సినిమాకి రవి బస్రూర్ సంగీతం అందిస్తూ ఉండగా భువన్ గౌడ సినిమాటోగ్రఫీ అందిస్తున్నారు. ఈ సినిమాని పాన్ ఇండియా సినిమాగా తెలుగు, తమిళ, కన్నడ, మలయాళ, హిందీ భాషల్లో ఏకకాలంలో రిలీజ్ చేయడానికి ప్రణాళికల సిద్ధం చేసుకున్నారు.