ఉత్తర కొరియా ఇవాళ ప‌లు షార్ట్ రేంజ్ బాలిస్టిక్ మిస్సైళ్లను (Ballistic Missiles) పరీక్షించింది. తూర్పు స‌ముద్రంలోకి వాటిని రిలీజ్ చేసింది. అమెరికా విదేశాంగ మంత్రి ఆంటోనీ బ్లింకెన్.. ద‌క్షిణ కొరియాలో పర్యటిస్తున్న టైంలో.. నార్త్ కొరియా ఈ క్షిపణులను ప్రయోగించినట్లు తెలుస్తుంది. రెండు నెల‌ల త‌ర్వాత తొలిసారి ఉత్తర కొరియా బాలిస్టిక్ క్షిపణులను పరీక్షించినట్లు సమాచారం. నేటి ఉద‌యం 7.44 నిమిషాల నుంచి 8.22 నిమిషాల మ‌ధ్య ఫైరింగ్ జ‌రిగినట్లు సౌత్ కొరియా జాయింట్ చీఫ్ ఆప్ స్టాఫ్ పేర్కొన్నారు. ఆ మిస్సైల్స్ సుమారు 300 కిలో మీట‌ర్ల దూరం ప్రయాణించినట్లు చెప్పారు. ఆ త‌ర్వాత అవి తూర్పు స‌ముద్రం (సీ ఆఫ్ జపాన్)లో ల్యాండ్ అచిపట్లు వెల్లడించింది.
Read Also: Pakistan: పాక్ వైమానిక దాడులు.. 8 మంది మృతి
ఇక, ఉత్తర కొరియా క‌నీసం మూడు క్షిపణులను ప్రయోగించి ఉంటుందని అమెరికా విదేశాంగ మంత్రి ఆంటోనీ బ్లింకెన్ భావించారు. కేఎన్-24 మిస్సైల్స్ త‌ర‌హాలో అవి ప్రయాణించినట్లు అంచ‌నా వేశారు. కేఎన్-24 సాలిడ్ ఫ్యూయ‌ల్ బాలిస్టిక్ మిస్సైల్.. అది దాదాపు 410 కిలో మీట‌ర్ల దూరం ప్రయాణించినట్లు తెలుస్తుంది. ఆ మిస్సైల్ దాదాపు 500 కేజీల బ‌రువున్న పేలోడ్‌ను మోసుకెళ్లగలదని పేర్కొన్నారు. నార్త్ కొరియా నిర్వహించిన మిస్సైల్ పరీక్షలను జపాన్ ప్రధాని కిషిద సైతం తీవ్రంగా ఖండించారు.
