Nokia G42 5G: సూపర్ ఫీచర్లతో లాంచ్.. ధర ఎంతో తెలిస్తే షాక్..!

సుదీర్ఘ నిరీక్షణ తర్వాత నోకియా 16GB RAM 5G బడ్జెట్ స్మార్ట్‌ఫోన్ Nokia G42 5Gని విడుదల చేసింది. ఈ స్మార్ట్‌ఫోన్ కొనుగోలు చేయాలంటే నోకియా.కామ్, ఇ-కామర్స్ సైట్‌లు, రిటైల్ స్టోర్‌లలో అందుబాటులో ఉంది. అంతే కాకుండా.. నోకియా G42 5G ఫోన్‌ను కొనుగోలు చేసేటప్పుడు కంపెనీ బ్లూటూత్ హెడ్‌ఫోన్‌లను ఉచితంగా అందిస్తోంది.

Rahul Gandhi: రేపటి నుంచి తెలంగాణలో రాహుల్ గాంధీ పర్యటన..షెడ్యూల్ ఇదే..!

Nokia G42 స్పెసిఫికేషన్‌లు
నోకియా G42 5G స్మార్ట్‌ఫోన్ 6.56 అంగుళాల HD+ డిస్‌ప్లేను కలిగి ఉంది. ఈ ఫోన్ కార్నింగ్ గొరిల్లా గ్లాస్ 3 స్క్రీన్ ప్రొటెక్షన్‌తో వస్తుంది. దీని వెనుక కవర్ 65 శాతం రీసైకిల్ ప్లాస్టిక్‌తో తయారు చేయబడింది. ఫోన్ Snapdragon 480 Plus 5G చిప్‌సెట్ సపోర్ట్‌తో వస్తుంది. ఇది రెండు సంవత్సరాల OS అప్‌గ్రేడ్‌లతో వస్తుంది. ప్రస్తుత సాఫ్ట్‌వేర్ అప్‌డేట్‌గా ఇందులో Android 13 సపోర్ట్ అందించబడింది.

నోకియా G42 5G స్మార్ట్‌ఫోన్ మూడు రోజుల బ్యాటరీ లైఫ్‌తో వస్తుందని నోకియా పేర్కొంది. ఈ ఫోన్ 5000 mAh బ్యాటరీని కలిగి ఉంది. మీరు 25w ఛార్జర్‌తో ఛార్జ్ చేయవచ్చు. ఫోన్ వెనుక భాగంలో ట్రిపుల్ రియర్ కెమెరా సెటప్ ను కలిగిఉంది. అంతేకాకుండా 50MP ప్రధాన కెమెరా ఉంది. ఇది కాకుండా.. 2MP మాక్రో కెమెరా సెన్సార్ ఉంది. అలాగే 2MP డెప్త్ కెమెరా సెన్సార్ అందించబడింది. ఇక ఫ్రంట్ కెమెరా 8MP సెల్ఫీ కెమెరా అందించబడింది.

Nokia G42 ధర
నోకియా ఈ ఫోన్‌ను ఒకే వేరియంట్‌లో విడుదల చేసింది. ఇందులో మీకు 16GB RAM, 256GB స్టోరేజ్ లభిస్తుంది. మీరు ఈ ఫోన్‌ను కొనుగోలు చేయాలనుకుంటే.. కంపెనీ అధికారిక సైట్, ఇ-కామర్స్ సైట్, రిటైల్ స్టోర్ నుండి కేవలం రూ.16,999కి కొనుగోలు చేయవచ్చు.

Nokia G42పై ప్రయోజనాలు
నోకియా ఫోన్‌ను కొనుగోలు చేసినప్పుడు కంపెనీ రూ. 999 విలువైన బ్లూటూత్ హెడ్‌ఫోన్‌లను అందిస్తోంది. ఈ హెడ్‌ఫోన్‌లు పూర్తిగా ఉచితం. మీరు దీని కోసం అదనంగా ఏమీ చెల్లించాల్సిన అవసరం లేదు.