Glenmark Life Sciences: ఫార్మాస్యూటికల్ కంపెనీ గ్లెన్మార్క్కు చెందిన గ్లెన్మార్క్ లైఫ్ సైన్సెస్లో 75 శాతం వాటాను నిర్మా గ్రూప్ కొనుగోలు చేసింది. ఒక్కో షేరుకు రూ.615 చొప్పున రూ.5,651 కోట్లకు ఈ డీల్ జరిగింది. 7,500 కోట్ల ఎంటర్ప్రైజ్ విలువపై ఈ రెండు కంపెనీల మధ్య ఒప్పందం కుదిరింది. సెబీ నిబంధనల ప్రకారం నిర్మా (నిర్మ గ్రూప్) పబ్లిక్ షేర్ హోల్డర్లందరికీ తప్పనిసరి ఓపెన్ ఆఫర్ చేస్తుంది. గ్లెన్మార్క్ లైఫ్ సైన్సెస్ మాతృ సంస్థ అయిన గ్లెన్మార్క్ ఫార్మా ఈ డీల్ తర్వాత గ్లెన్మార్క్ లైఫ్ సైన్సెస్లో 7.84 శాతం వాటాను కలిగి ఉంటుంది.
Read Also:Moto GP : నేటి నుంచి భారతదేశంలో తొలిసారిగా Moto GP
గ్లెన్మార్క్ ఫార్మా ప్రస్తుతం రుణ ఒత్తిడిని ఎదుర్కొంటోంది. దానిని తగ్గించడానికి కంపెనీ ఈ చర్య తీసుకుంది. ఈ డీల్ ఫార్మా రంగంలో నిర్మా పట్టును బలోపేతం చేస్తుంది. గ్లెన్మార్క్ లైఫ్ కోసం స్వతంత్ర వృద్ధి మార్గాన్ని రూపొందించడంలో ఇది ఒక ముఖ్యమైన మైలురాయిగా కంపెనీ అధికార ప్రతినిధి ఒకరు పేర్కొన్నారు. కంపెనీ, బ్రాండ్ను బలోపేతం చేయడంలో ఈ ఒప్పందం ప్రధాన పాత్ర పోషిస్తుందన్నారు.
Read Also:Singareni Workers: సింగరేణి కార్మికులకు శుభవార్త.. ఒక్కొక్కరికి రూ.లక్షల్లో జమ..
ఇది నిర్మా గ్రూప్కు ఫార్మాలో పెద్ద ముందడుగు అని ఈ డీల్కు సంబంధించి గ్లెన్మార్క్ ఫార్మా అధికారి అన్నారు. ఎన్నో వ్యాపారాల్లో విజయం సాధించానని, మరింతగా విస్తరించడంపై దృష్టి సారిస్తానని ఆశిస్తున్నానన్నారు. లావాదేవీ ముగిసిన తర్వాత గ్లెన్మార్క్ ఫార్మా నికర నగదు సానుకూలంగా ఉంటుందని గ్లెన్మార్క్ ఫార్మాతో సంబంధం ఉన్న అధికారి తెలిపారు. ఈ కొనుగోలుతో డాక్టర్ కర్సన్భాయ్ పటేల్ స్థాపించిన అహ్మదాబాద్ ప్రధాన కార్యాలయం నిర్మా గ్రూప్ ఏపీఐ విభాగంలోకి ప్రవేశించింది. ఇంజెక్షన్, పేరెంటరల్, ఆప్తాల్మిక్ ఉత్పత్తులతో సహా ఫార్మాలో కంపెనీ ఉనికిని నెలకొల్పింది. కంపెనీ వార్షిక టర్నోవర్ 2.5 బిలియన్ డాలర్లకు పైగా ఉంది. పారిశ్రామిక రసాయనాలు, డిటర్జెంట్లు, సబ్బులు, సిమెంట్, రియల్ ఎస్టేట్ వ్యాపారంలో ఉంది.
