TRS MLA Prabhakar Reddy Made Comments On Congress MLA Komatireddy Rajgopal Reddy.
కోమటిరెడ్డి బ్రదర్స్ తో జిల్లా అభివృద్ధి 20 ఏళ్లుగా వెనక్కి వెళ్ళిందని ఆరోపించారు మునుగోడు మాజీ ఎమ్మెల్యే కుసుకుంట్ల ప్రభాకర్ రెడ్డి. సోమవారం ఆయన నల్గొండ జిల్లా చండూర్ మున్సిపాలిటీ లో మీడియా సమావేశం నిర్వహించారు. ఈ సందర్భంగా ఆయన మాట్లాడుతూ.. గట్టుప్పల మండల వెనకబాటుకు కారణం కోమటిరెడ్డి రాజగోపాల్ రెడ్డి అని ఆయన ఆరోపించారు. అబద్ధాలకు కేరాఫ్ అడ్రస్ కోమటిరెడ్డి బ్రదర్స్ అని ఆయన మండిపడ్డారు. అంతేకాకుండా.. నియోజకవర్గం అభివృద్ధిని ఏనాడూ పట్టించుకోని ఎమ్మెల్యే రాజగోపాల్ రెడ్డి ఇప్పుడు అభివృద్ధి గురించి మాట్లాడటం హస్యస్పదంగా ఉందన్నారు. గెలిచిన 3 ఏండ్లలో మునుగోడు ప్రజలకు ఏం పని చేయలేదని, కాంట్రాక్టుల కోసమే బీజేపీతో సోపతి చేస్తున్నారన్నారు.
మతి భ్రమించి, పిచ్చి చేష్టలు చేస్తున్నాడని, పూటకో మాట మాట్లాడుతున్నాడని, మునుగోడు ప్రజలను తప్పుదారి పట్టిస్తున్నాడని ఆయన ధ్వజమెత్తారు. మునుగోడు ప్రజలు చైతన్య వంతులు రాజగోపాల్ రెడ్డి మాటలు నమ్మరని, రాజగోపాల్ రెడ్డిని తరిమి కొట్టడానికి అవకాశం కోసం ఎదురుచూస్తున్నారని ఆయన వ్యాఖ్యానించారు. మునుగోడులో ఉప ఎన్నిక వస్తే రాజ్‌గోపాల్‌ రెడ్డి ఓడిపోవడం ఖాయమన్నారు.