MI vs RCB: కోహ్లీ వర్సెస్ రోహిత్.. టాస్ గెలిచి బౌలింగ్ తీసుకున్న ముంబై!

MI vs RCB: ముంబైలోని ప్రతిష్టాత్మక వాంఖడే స్టేడియం నేడు మరో హై-వోల్టేజ్ పోరుకు సిద్ధమైంది. ఐపీఎల్ 2026లో భాగంగా చిరకాల ప్రత్యర్థులు ముంబై ఇండియన్స్ (MI), డిఫెండింగ్ ఛాంపియన్ రాయల్ ఛాలెంజర్స్ బెంగళూరు (RCB) తలపడుతున్నాయి. ఈ మ్యాచ్‌పై అభిమానుల్లో భారీ అంచనాలు నెలకొన్నాయి. నిజానికి ఈ మ్యాచ్‌ కేవలం రెండు జట్ల మధ్య పోరు మాత్రమే కాదు, ఇద్దరు దిగ్గజాలు విరాట్ కోహ్లీ, రోహిత్ శర్మల మధ్య జరిగే ముఖాముఖి పోరుగా అభిమానులు భావిస్తున్నారు. కెరీర్ చివరి దశలో ఉన్నప్పటికీ, ఈ ఇద్దరూ అద్భుతమైన ఫామ్‌లో ఉండటం మ్యాచ్‌పై ఆసక్తిని రెట్టింపు చేస్తోంది. రాజస్థాన్ రాయల్స్‌తో జరిగిన గత మ్యాచ్‌ల్లో ఓటమి పాలైన ఈ రెండు జట్లు, నేటి విజయంతో తిరిగి పుంజుకోవాలని పట్టుదలతో ఉన్నాయి.

READ ALSO: Donald Trump: “హోర్ముజ్‌ మూసేస్తాం”.. ట్రంప్ వార్నింగ్‌తో ప్రపంచం టెన్షన్..

టాస్ అప్‌డేట్
వాంఖడే మైదానంలో టాస్ గెలిచిన ముంబై ఇండియన్స్ కెప్టెన్ హార్దిక్ పాండ్యా మొదట ఫీల్డింగ్ ఎంచుకున్నాడు. ఛేజింగ్‌కు అనుకూలంగా ఉండే ఈ పిచ్‌పై ప్రత్యర్థిని తక్కువ స్కోరుకే కట్టడి చేయాలనేది ముంబై వ్యూహం. ఆర్‌సీబీ కెప్టెన్ రజత్ పాటిదార్ కూడా తాము మొదట బౌలింగ్ చేయాలని భావించినట్లు పేర్కొన్నాడు.

తుది జట్లు
ముంబై ఇండియన్స్: రోహిత్ శర్మ, ర్యాన్ రికెల్టన్ (వికెట్ కీపర్), సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), నమన్ ధీర్, మిచెల్ సాంట్నర్, శార్దూల్ ఠాకూర్, ట్రెంట్ బౌల్ట్, మయాంక్ మర్కండే, సందీప్ శర్మ.

రాయల్ ఛాలెంజర్స్ బెంగళూరు: ఫిలిప్ సాల్ట్, విరాట్ కోహ్లి, దేవదత్ పడిక్కల్, రజత్ పటీదార్ (కెప్టెన్), టిమ్ డేవిడ్, జితేష్ శర్మ (వికెట్ కీపర్), రొమారియో షెపర్డ్, కృనాల్ పాండ్యా, భువనేశ్వర్ కుమార్, జాకోబ్ డఫీ, మయాంక్ యాదవ్.

ముంబైదే పైచేయి
ఐపీఎల్ చరిత్రలో ఈ రెండు జట్లు ఇప్పటివరకు 34 సార్లు తలపడ్డాయి. ఇందులో ముంబై ఇండియన్స్ 19 సార్లు విజయం సాధించింది. ఆర్‌సీబీ 15 సార్లు గెలుపొందింది. గణాంకాల పరంగా ముంబై ఆధిపత్యం కనిపిస్తున్నప్పటికీ, డిఫెండింగ్ ఛాంపియన్‌గా బెంగళూరును తక్కువ అంచనా వేయలేం.

READ ALSO: Sunil Gavaskar: బుడ్డోడా నీ కెరీర్ జాగ్రత్త.. వైభవ్ సూర్యవంశీకి సునీల్ గవాస్కర్ స్ట్రాంగ్ వార్నింగ్!