Masthu Shades Unnai Ra : మరో కామెడీ ఎంటర్టైనర్ తో వస్తున్న అభినవ్ గోమఠం..

టాలీవుడ్ ప్రముఖ కమెడియన్‌ అభినవ్ గోమఠం గురించి ప్రత్యేకంగా చెప్పాల్సిన పని లేదు.. మళ్లీరావా చిత్రంతో టాలీవుడ్‌లోకి ఎంట్రీ ఇచ్చిన అభినవ్..’ఈ నగరానికి ఏమైంది’ మూవీతో తనదైన కామెడీ తో ప్రేక్షకులను ఎంతగానో నవ్వించాడు.. ఆ సినిమాతో అభినవ్ పాపులర్ అయ్యారు. వరుసగా మూవీ ఆఫర్స్ అందుకున్నారు. ఈ సినిమా తరువాత అభినవ్ ‘మీకు మాత్రమే చెప్తా’ మరియు ‘ఇచ్చట వాహనములు నిలపరాదు’ సినిమాలతో మంచి గుర్తింపు తెచ్చుకున్నాడు.ఇక ఈ సినిమాలు ఇచ్చిన జోష్‌తో ప్రస్తుతం వరుస సినిమాలను లైన్‌లో పెడుతున్నాడు. అయితే అభినవ్ గోమఠం తాజాగా నటిస్తున్న కామెడీ ఎంటర్‌టైనర్..మస్తు షేడ్స్ ఉన్నాయ్ రా.!. ఈ సినిమాకు తిరుపతి రావు దర్శకత్వం వహిస్తున్నాడు.ఈ చిత్రంలో వైశాలి రాజ్ హీరోయిన్‌గా నటిస్తుంది.ఈ సినిమాను కాసుల క్రియేటివ్ వర్క్స్ బ్యానర్‌పై వంశీ నందిపాటి సమర్పణలో ఆరేం రెడ్డి, ప్రశాంత్ మరియు భవాని కాసుల నిర్మిస్తున్నారు. పొలిమేర-2 చిత్రాన్ని ప్రపంచవ్యాప్తంగా విడుదల చేసి, మంచి అభిరుచి గల నిర్మాతగా పేరు సంపాందిచుకున్న నిర్మాత, పంపిణీదారుడు వంశీ నందిపాటి ఈ చిత్రాన్ని ప్రపంచవ్యాప్తంగా విడుదల చేస్తున్నారు.

ప్రస్తుతం ఈ సినిమా షూటింగ్ కంప్లీట్ చేసుకోగా పోస్ట్ ప్రోడక్షన్ పనుల్లో బిజీగా ఉంది. ఇదిలావుంటే తాజాగా ఈ మూవీ నుంచి సాలిడ్ అప్‌డేట్‌ను మేకర్స్ ఇచ్చారు.ఈ మూవీ నుంచి ఫస్ట్ షేడ్(ఫస్ట్ లుక్‌ని) ని త్వరలోనే విడుదల చేయనున్నట్లు మేకర్స్ సోషల్ మీడియా వేదికగా ప్రకటించారు. ఈ సందర్భంగా దర్శకుడు మాట్లాడుతూ హాస్యనటుడిగా మరియు సహాయ నటుడిగా అందరి ప్రశంసలు అందుకున్న అభినవ్ గోమఠం లోని కొత్త కోణాన్ని, నటుడిలోని మరో కోణాన్ని ఈ చిత్రంలో చూస్తారు. అయోధ్యలోని శ్రీ సీతారాముల ప్రాణ పతిష్ట రోజే మా సినిమా మస్తు షేడ్స్ ఉన్నాయ్ రా లోగోను ఆవిష్కరించడం ఎంతో లక్కీగా భావిస్తున్నాం. అన్ని భావోద్వేగాల మేళవింపుతో లవ్‌, కామెడీ ఎంటర్‌టైనర్‌గా చిత్రాన్ని తెరకెక్కిస్తున్నా. కొత్తదనంతో కూడిన ఈ చిత్రం తప్పకుండా అందర్ని అలరిస్తుందనే నమ్మకం వుంది. ఫిబ్రవరి ద్వితియార్థంలో చిత్రాన్ని విడుదల చేయడానికి ప్లాన్ చేస్తున్నాం అని అన్నారు.