OTT Movies : ఈ వీకెండ్ డిజిటల్ తెరపై సినీ జాతర

థియేట్రికల్ మూవీస్ ఇంట్రస్టింగ్‌గా లేవు.. ఓటీటీ సినిమాలతో సరిపెట్టుకుందాం అనుకునే వారికి ఈ వీకెండ్ బెస్ట్ ఛాయిస్. ఎందుకంటే సంక్రాంతి నుండి రీసెంట్లీ రిలీజైన చాలా సినిమాలు డిజిటల్ ఫ్లాట్ ఫామ్స్‌లోకి వచ్చేశాయి. సంక్రాంతికి పోటీ ఉన్నా కూడా బరిలోకి దిగిన రవితేజ ఫ్యామిలీ ఎంటర్టైనర్ భర్త మహాశయులకు విజ్ఞప్తి.. రెండు నెలల గ్యాప్ తర్వాత జీ5లో సందడి చేస్తోంది. విజయ్ ఆంటోనీ మేనల్లుడు అజయ్ దిషన్ హీరోగా నటించిన బూకీ కూడా ఇదే ఓటీటీలో ప్రీమియర్ అవుతోంది. ఇందులో మంచు లక్ష్మీ, సునీల్ కీ రోల్స్ చేసిన సంగతి విదితమే. తెలుగులో సురేష్ ప్రొడక్షన్స్ ఈ మూవీని విడుదల చేసింది.

ఫిబ్రవరిలో కాస్తో కూస్తో అంచనాలతో దిగిన ఫంకీ బాగా డిజప్పాయింట్ చేసింది. జస్ట్ ఫన్ మాత్రమే అదీ కూడా పోర్ష్ కామెడీ ట్రాక్ , కథ లేదన్న నెగిటివ్ రివ్యూస్‌తో సినిమా బొక్కా బోర్లా పడింది. కెవి అనుదీప్ దర్శకత్వంలో విశ్వక్ సేన్, కయాద్ లోహార్ జంటగా నటించిన ఈ ఫిల్మ్ ఫిబ్రవరి 13న రిలీజ్ కాగా, ఇప్పుడు నెట్ ఫ్లిక్స్ లో అందుబాటులోకి వచ్చేసింది. ఇక అదే రోజు రిలీజై పాజిటివ్ టాక్‌తో హిట్ కొట్టిన కపుల్ ఫ్రెండ్లీ అమెజాన్ ప్రైమ్‌లో సందడి చేస్తోంది. సంతోష్ శోభన్, మానస వారణాసి కెమిస్ట్రీకి తోడు ప్రభాస్ ఇంటర్వ్యూ ఈ సినిమా వసూళ్లకు తోడ్పడ్డాయి. చివరకు ఫిబ్రవరి విన్నర్‌గా నిలిచింది.

అనుపమ పరమేశ్వరన్ రీసెంట్లీ తమిళంలో లాక్ డౌన్ అనే ఫిల్మ్‌తో పలకరిచింది. ఈ మధ్య కాలంలో ఈ సినిమా పడినన్నీ వాయిదాలు మరో మూవీ పడలేదనే చెప్పొచ్చు. ఈ మూవీ వచ్చి వెళ్లిందనే విషయం కూడా చాలా మందికి తెలియదు. ప్రమోషన్స్ లేకుండా వచ్చి సైలెంట్‌గా సైడయ్యింది. అలాగే సైలెంట్‌గా ఓటీటీకి వచ్చేసింది. మార్చి 11 నుండే అమెజాన్ ప్రైమ్‌లో సందడి చేస్తోంది. నాగార్జున 100వ సినిమాను డీల్ చేస్తున్న రా కార్తీక్ తెరకెక్కించిన కొరియా- ఇండియన్ డ్రామా మేడిన్ కొరియా కూడా నెట్ ఫ్లిక్స్‌లో 12 నుండి స్ట్రీమ్ అవుతోంది. ప్రియాంక అరుళ్ మోహన్ లీడ్ రోల్‌లో నటించింది.

మలయాళంలో రిలీజై మంచి వ్యూస్ దక్కించుకొన్న పెన్నుమ్ పోరాట్టమ్ ఈ శుక్రవారం నుండే నెట్ ఫ్లిక్స్‪లో సందడి చేస్తోంది. శివ కందుకూరి, తేజు అశ్వినీ కీ రోల్స్ లో నటించిన నవాబ్ కేఫ్ ఈటీవి విన్స్ లో స్ట్రీమింగ్ అవుతోంది. ఛాయ్ వాలాగా తెరకెక్కిన ఈ ఫిల్మ్ టైటిల్ విషయంలో సెన్సార్ అబ్జెక్షన్ పెట్టడంతో నవాబ్ కేఫ్‌గా మారి విడుదలైంది. పరేశ్ రావల్ కీ రోల్ పోషించిన ది తాజ్ స్టోరీ లయన్స్‌గేట్‌ప్లే ఓటీటీలో స్ట్రీమింగ్ కానుంది.