Life Certificate For Pensioners: ప్రభుత్వ రంగ సంస్థలలో ఉద్యోగాల నుండి పదవీ విరమణ పొందిన సీనియర్ పెన్షనర్లు తమ జీవిత ధృవీకరణ పత్రాన్ని నవంబర్ 30 లోపు సమర్పించడం తప్పనిసరి. అలా ఎవరైతే చేయరో వారి పింఛను నిలిపివేయవచ్చు. సూపర్ సీనియర్ సిటిజన్లు.. అంటే 80 ఏళ్లు లేదా అంతకంటే ఎక్కువ వయస్సు ఉన్నవారు తమ జీవిత ధృవీకరణ పత్రాన్ని (Life Certificate) అక్టోబర్ 1 నుండి 30 నవంబర్ మధ్య సమర్పించడానికి అనుమతించబడతారు. అయితే 80 సంవత్సరాల కంటే తక్కువ వయస్సు ఉన్నవారు నవంబర్ 1 నుండి 30 మధ్య జీవిత ధృవీకరణ పత్రాన్ని సమర్పించవచ్చు. రెండు వయస్సుల సీనియర్ పెన్షనర్లకు నవంబర్ 30 చివరి తేదీ. కాబట్టి, ఎవరైతే లైఫ్ సర్టిఫికేట్ సమర్పించకపోతే వెంటనే ఈ పని చేయండి.
Also Read: ED Raids Raj Kundra: పోర్నోగ్రఫీ కేసులో రాజ్ కుంద్రా ఇళ్లు, కార్యాలయాల్లో ఈడీ సోదాలు
https://jeevanpramaan.gov.inలో పోర్టల్లో మీరు లైఫ్ సర్టిఫికేట్ను సమర్పించడానికి సంబంధించిన మొత్తం సమాచారాన్ని పొందుతారు. మీరు డిజిటల్ లైఫ్ సర్టిఫికేట్ను సమర్పించడానికి సంబంధించిన మొత్తం సమాచారాన్ని పొందవచ్చు. మీరు లైఫ్ సర్టిఫికేట్ను ఆఫ్లైన్లో సమర్పించాల్సి వస్తే, మీరు నేరుగా బ్యాంకులు లేదా పోస్టాఫీసులలో సమర్పించవచ్చు. అంతే కాకుండా, మీరు జీవన్ ప్రమాణ్ పోర్టల్, డోర్స్టెప్ బ్యాంకింగ్ (DSB) ఏజెంట్ లేదా పోస్టాఫీసుల్లో బయోమెట్రిక్ పరికరం ద్వారా లైఫ్ సర్టిఫికేట్ను సమర్పించవచ్చు. ఇది కాకుండా.. మీ జీవిత ధృవీకరణ పత్రాన్ని బ్యాంక్ బ్రాంచ్లో ఫిజికల్ లైఫ్ సర్టిఫికేట్ ఫారమ్ ద్వారా కూడా సమర్పించవచ్చు. సెంట్రల్ పెన్షన్ ప్రాసెసింగ్ సెంటర్స్ (CPPC) ద్వారా సర్టిఫికేట్ స్వీకరించబడిన తర్వాత, అలాగే దానిని పెన్షన్ సైకిల్లో ప్రాసెస్ చేయబడిన తర్వాత చెల్లింపులు సాధారణంగా పునఃప్రారంభించబడతాయి.
Also Read: IFFI 2024 Winners: అట్టహాసంగా ఇంటర్నేషనల్ ఫిల్మ్ ఫెస్టివల్ ఆఫ్ ఇండియా వేడుకలు.. విజేతలు వీరే
