Drugs Seized: చెన్నై అంతర్జాతీయ విమానాశ్రయంలో భారీగా డ్రగ్స్, గంజాయి, బంగారం పట్టివేత

Drugs Seized: చెన్నై అంతర్జాతీయ విమానాశ్రయంలో భారీగా డ్రగ్స్, గంజాయి, బంగారాన్ని పట్టుకున్నారు ఎయిర్ పోర్ట్ అధికారులు. ఇందులో భాగంగా 14.2 కోట్ల విలువ చేసే కోకైన్, 76 లక్షల విలువ చేసే విదేశీ గంజాయి, 1.75 కోట్ల విలువ చేసే 1.78 కేజీల బంగారం సీజ్ చేసారు కస్టమ్స్ అధికారులు. అధికారులు పట్టుకున్న కొకైన్ ను క్యాప్సూల్స్ లో నింపి పొట్టలో దాచింది లేడి కిలాడి. అదికూడా ఏకంగా 76 క్యాప్సూల్స్ మింగింది కెన్యా జాతీయురాలు.
వాటిని అధికారులు గుర్తించడంతో శస్త్రచికిత్స చేసిన అనంతరం పొట్టలో దాచిన కొకైన్ ను బయటకు తీశారు వైద్యులు. ఆ తర్వాత ఇథియోపియా నుండి చెన్నై వచ్చిన ఆ కెన్యా జాతీయురాలి పై NDPS యాక్ట్ కింద కేసు నమోదు చేసారు అధికారులు.

Also Read: AUS vs IND: 260 పరుగులకు భారత్ ఆలౌట్.. టీమిండియాను కాపాడిన వరణుడు!

అలాగే బ్యాంకాక్ ప్రయాణీకుడి లగేజ్ బ్యాగ్ లో విదేశీ గంజాయిని గుర్తించారు కస్టమ్స్ అధికారులు. దాంతో ఆ ప్రయాణీకుడిపై NDPS యాక్ట్ కింద కేసు చేసారు. ఇక మరోవైపు దుబాయ్ నుండి చెన్నై చేరుకున్న ప్రయాణీకుడు బంగారాన్ని ఎయిర్ ఇండియా కేబిన్ క్రూ ద్వారా బంగారం స్మగ్లింగ్ చేయాలనీ ప్రయత్నం చేసాడు. అయితే, తన వెంట తెచ్చుకున్న బంగారాన్ని కేబిన్ క్రూ ద్వారా బయటకు పంపే యత్నం చేయగా.. కస్టమ్స్ అధికారుల చేతికి కేబిన్ క్రూతో పాటు దుబాయ్ ప్రయాణీకుడు దొరికాడు. దాంతో ఇద్దరిపై కేసు నమోదు చేసి దర్యాప్తు చేస్తున్నారు కస్టమ్స్ అధికారులు.