Ajit Pawar: ఎన్నికల్లో కలిసే పోటీ చేస్తాం.. మహావికాస్‌ అఘాడీపై అజిత్ పవార్ క్లారిటీ

Ajit Pawar: శివసేన-బీజేపీ కూటమిని ఓడించేందుకు మహా వికాస్ అఘాడీ(ఎంవీఏ) మహారాష్ట్ర అసెంబ్లీ, లోక్‌సభ ఎన్నికల్లో కలిసి పోటీ చేస్తుందని నేషనలిస్ట్ కాంగ్రెస్ పార్టీ (ఎన్‌సీపీ) నాయకుడు అజిత్ పవార్ సోమవారం అన్నారు. మహా వికాస్ అఘాడీ మిత్రపక్షాలలో శివసేన (ఉద్ధవ్ బాలాసాహెబ్ థాకరే), కాంగ్రెస్, ఎన్సీపీ ఉన్నాయి. మహారాష్ట్రలోని పుణెలో అజిత్‌ పవార్ మీడియాతో మాట్లాడుతూ.. మహావికాస్ అఘాడీ అగ్రనేతలు రాబోయే లోక్‌సభ, అసెంబ్లీ ఎన్నికల్లో కలిసి పోటీ చేయాలని నిర్ణయించుకున్నట్లు అజిత్‌ పవార్ తెలిపారు.

సొంత పార్టీ గురించి ఆలోచించకుండా మెరిట్‌తో ఎన్నికల్లో పోటీ చేసే అభ్యర్థి విషయంలో ఎంవీఏ నేతలు కలిసి నిర్ణయం తీసుకుంటారని చెప్పారు. ఏ పరిస్థితిలోనైనా మహావికాస్ అఘాడీ నాయకులు కలిసి కూర్చుని, వారి సొంత పార్టీ గురించి ఆలోచించకుండా ఎలక్టివ్ మెరిట్‌పై అభ్యర్థిని నిర్ణయిస్తారు. మహావికాస్ అఘాడీ కూటమిలో ఎమ్మెల్యే, ఎంపీని ఎలా ఎంపిక చేసుకోవాలో చర్చించి నిర్ణయం తీసుకుంటామన్నారు. మహావికాస్ అఘాడీ కూటమి ప్రాముఖ్యతను వివరిస్తూ.. ఎంవీఏలోని పార్టీలు ఒంటరిగా ఎన్నికల్లో పోటీ చేసి గెలవలేవన్నది వాస్తవమని అజిత్‌ పవార్‌ అన్నారు. ఏక్‌నాథ్‌ షిండే శివసేన-బీజేపీ కూటమిని ఓడించడానికి ఏకతాటిపైకి వచ్చి ఎన్నికల్లో పోటీ చేయవలసి ఉందన్నారు.

Read Also: Viral news : ఓరి నాయనో..కొంచెం కూడా సిగ్గులేదేంట్రా బాబు.. బైకుపైనే పాడుపని.. ఛీ..

“ఎంవీఏలోని పార్టీలు లోక్‌సభ, అసెంబ్లీ ఎన్నికల్లో సొంతంగా పోటీ చేయలేవనేది వాస్తవం. ఒంటరిగా పోటీ చేయడం ద్వారా విజయం సాధ్యం కాదనే వాస్తవాన్ని మనం అందరం అంగీకరించాలి, కాబట్టి ప్రస్తుత శివసేన ఏకనాథ్ షిండేను ఓడించాలనుకుంటే. బీజేపీతో పొత్తు పెట్టుకుంటే మనం కలిసి ఉండాలి, ఎలాంటి తేడా లేకుండా కలిసి పోటీ చేయాలి, అప్పుడు ఎన్నికల్లో కచ్చితంగా గెలుస్తాం’’ అని పవార్ అన్నారు. మహారాష్ట్ర అసెంబ్లీ ఎన్నికలు, దేశ సాధారణ ఎన్నికలు 2024లో జరగాల్సి ఉంది.