IPL 2023: లక్నోను ఆదుకున్న పూరన్.. కేకేఆర్ ఎదుట భారీ టార్గెట్

ప్లేఆఫ్స్ రేసులో కచ్చితంగా గెలవాల్సిన మ్యాచ్ లో లక్నో సూపర్ జెయింట్స్ టాపార్డర్ మరోసారి విఫలమైంది. దీంతో నికోలస్ పూరన్ (30 బంతుల్లో 58, 4 ఫోర్లు, 5 సిక్సర్లు) హాఫ్ సెంచరీతో ఆ జట్టు ఆదుకున్నాడు. దీంతో కోల్ కతా నైట్ రైడర్స్ ఎదుట ఊరించే టార్గెట్ పెట్టింది. నిర్ణీత 20 ఓవర్లలో లక్నో.. 8 వికెట్ల నష్టానికి 176 పరుగులు చేసింది. ఫస్ట్ నుంచే లక్నో బ్యాటర్లను నిలువరించిన కేకేఆర్ బౌలర్లు.. ఆ జట్టును భారీ స్కోరు చేయకుండా అడ్డుకట్ట వేశారు. ఇక ఈ మ్యాచ్ లో లక్నో ఓడిపోతే ప్లేఆఫ్స్ రేసులో లక్నోకు కష్టంగా మారుతుంది..

Also Read : Venkatesh: ఎన్టీఆర్ తో సినిమా చేయలేదు అన్న బాధ.. అందుకే ఆ పని చేశా

టాస్ ఓడి బ్యాటింగ్‌కు వచ్చిన లక్నో సూపర్ జెయింట్స్‌కు హర్షిత్ రాణా మూడో ఓవర్లోనే షాకిచ్చాడు. రాణా వేసిన మూడో ఓవర్ మూడో బాల్‌కు లక్నో ఓపెనర్ కరణ్ శర్మ (3) శార్దూల్ ఠాకూర్‌కు క్యాచ్ ఇచ్చి ఫస్ట్ వికెట్‌గా వెనుదిరిగాడు. కరణ్ నిష్క్రమించినా క్వింటన్ డికాక్ (27 బంతుల్లో 28, 2 సిక్సర్లు), ప్రేరక్ మన్కడ్ (20 బంతుల్లో 26, 5 ఫోర్లు) లక్నో ఇన్సింగ్స్ ను నడిపించారు. ఈ ఇద్దరూ రెండో వికెట్ కు 41 పరుగులు జోడించారు. కానీ రెండు ఓవర్ల వ్యవధిలో లక్నోకు భారీ షాకులు తాకాయి.

Also Read : MSDhoni: ధోని కోసం ఢిల్లీ వీధుల్లో అభిమానుల హంగామా..

73 పరుగులకే ఐదు వికెట్లు కోల్పోయిన లక్నోను నికోలస్ పూరన్, అయుష్ బదోని (21 బంతుల్లో 25, 2 ఫోర్లు, 1 సిక్స్) లు ఆదుకున్నారు. ఈ ఇద్దరూ కలిసి ఆరో వికెట్ కు 74 పరుగులు జోడించారు. ఎప్పటిలాగే పూరన్ ధాటిగా ఆడాడు. డికాక్ అవుట్ అయిన తర్వాత అతడి స్థానంలో వచ్చిన పూరన్.. తాను ఎదుర్కున్న మొదటి మూడు బంతులకే 4, 4, 6 కొట్టాడు. సుయాశ్ శర్మ వేసిన 15వ ఓవర్లో కూడా 6, 4 బాదాడు. నరైన్ వేసిన 18వ ఓవర్లో బదోని.. శార్దూల్ ఠాకూర్ కు క్యాచ్ ఇచ్చాడు.. ఇక శార్దూల్ ఠాకూర్ వేసిన 19వ ఓవర్లో ఫస్ట్ బాల్ కు భారీ సిక్సర్ బాదిన పూరన్ 28 బంతుల్లోనే అర్థ సెంచరీ పూర్తి చేసుకున్నాడు. కానీ ఇదే ఓవర్లో మూడో బాల్ కు వెంకటేశ్ అయ్యర్ కు క్యాచ్ ఇచ్చి పెవిలియన్ బాట పట్టాడు. ఇదే ఓవర్లో రవి బిష్ణోయ్ (2) కూడా ఔటయ్యాడు. ఆఖరి ఓవర్లో రసెల్ 13 పరుగులివ్వడంతో లక్నో స్కోరు 176 పరుగులు చేసింది.