కరోనా వ్యాక్సినేషన్ పై తెలంగాణ సర్కార్ కీలక ప్రకటన

తెలంగాణ కరోనా పరిస్థితులు మరియు వ్యాక్సినేషన్‌ పై రాష్ట్ర వైద్యశాఖ కీలక ప్రకటన చేసింది. తెలంగాణా లో ఒకట్రెండు రోజుల్లో 3 కోట్ల డోసులు వాక్సినేషన్ పూర్తి కానుందని.. 75 శాతం మందికి మొదటి డోస్ అలాగే… 39 శాతం రెండో డోస్ పూర్తయిందని వెల్లడిచింది ఆరోగ్య శాఖ. 50 లక్షల వాక్సిన్ నిల్వ తెలంగాణ లో ఉందని… 0.4 శాతం మాత్రమే పాజిటివ్ కేసులు నమోదైందని పేర్కొంది. ప్రస్తుతం కోవిడ్ అదుపులో ఉందని… వాక్సిన్ వల్ల కరోనా నుంచి 99 శాతం రక్షణ ఉంటుందని వెల్లడించింది.

రెండో డోస్ తీసుకోవాల్సిన వాళ్ళు 36 లక్షల మంది ఉన్నారని… రెండో డోస్ ను లైట్ తీసుకోవద్దని హెచ్చరించింది. రష్యా, యూకే ల్లో కేసులు, మరణాలు పెరుగుతున్నాయని… వాక్సిన్ తీసుకోని వాళ్లలో 60 శాతం మందికి వైరస్ సోకుతుందని పేర్కొంది. ఒక్క డోస్ తీసుకున్న వాళ్లలో 30 శాతం మందికి కరోనా సోకుతుందని… ప్రతి ఒక్కరు రెండు డోసులు తీసుకోవాలని స్పష్టం చేసింది తెలంగాణ ఆరోగ్య శాఖ. తెలంగాణ రాష్ట్రంలో దాదాపు 69 లక్షల మంది ఇంకా ఒక్క డోస్ కూడా తీసుకోలేదని పేర్కొంది.