Massive Fire Break : హాస్పిటల్‎లో భారీ అగ్నిప్రమాదం.. ఊపిరాడక అల్లాడిన రోగులు

Massive Fire Break : మెడికల్ కళాశాల ఆస్పత్రిలో భారీ అగ్ని ప్రమాదం సంభవించింది. దీంతో హాస్పిటల్లోని పలువురు భయంతో బయటకు పరుగులు తీశారు. వెంటనే అప్రమత్తమైన సిబ్బంది ఆసుపత్రిలోని డయాలసిస్ యూనిట్, జనరల్ మెడిసిన్, ఇతర వార్డుల్లో 100 మందికి పైగా రోగులను మరో భవనానికి తరలించారు. కేరళలోని కొట్టాయంలో ఈ సంఘటన జరిగింది. కొట్టాయం మెడికల్ కాలేజీ హాస్పిటల్‌లో నిర్మాణంలో ఉన్న భవనంలో సోమవారం పెద్ద ఎత్తున మంటలు ఎగసిపడ్డాయి. దీంతో అక్కడున్న వారు భయాందోళన చెందారు.

Read Also: Frog Curry : కప్పకూర తిన్న కుటుంబం.. కక్కుకుని చనిపోయిన బాలిక

పది ఫైర్‌ ఇంజన్‌ వాహనాలు ఆసుపత్రికి చేరుకుని మంటలను ఆర్పేందుకు ప్రయత్నించారు. ఆ ప్రాంతమంతా దట్టమైన పొగలతో భీతావాహకంగా తయారైంది. నిర్మాణంలో ఉన్న భవనంలో పని చేస్తున్న కార్మికులు కూడా భయంతో అక్కడి నుంచి బయటకు పరుగులు తీశారు. మరోవైపు సమాచారం అందుకున్న అగ్నిమాపక సిబ్బంది వెంటనే స్పందించారు. పలు ప్రాంతాల నుంచి పది అగ్నిమాపక వాహనాలు మెడికల్‌ కాలేజీ వద్దకు చేరుకున్నాయి. మంటలను అదుపుచేసేందుకు ప్రయత్నిస్తున్నాయి. దీంతో ఆ ప్రాంతమంతా దట్టంగా పొగలు అలముకున్నాయి. అయితే ఇప్పటి వరకు ఎలాంటి ప్రాణ నష్టం జరుగలేదని తెలుస్తున్నది. కాగా, ఈ అగ్ని ప్రమాదానికి కారణం ఏమిటన్న దానిపై అధికారులు, పోలీసులు దర్యాప్తు చేస్తున్నారు.

Read Also: Farm house: రాజధాని శివారులోని ఫామ్ హౌస్ లపై ఎస్వోటీ దాడులు