Farm house: రాజధాని శివారులోని ఫామ్ హౌస్ లపై ఎస్వోటీ దాడులు
Farm house: తెలంగాణ రాజధాని హైదరాబాద్ శివారు ప్రాంతాలైన శంషాబాద్, మొయినాబాద్, మేడ్చల్ ప్రాంతాల్లో వీకెండ్ వస్తే చాలు యువత ఫామ్ హౌస్ లో చేరిపోతున్నారు. శని ఆదివారాల్లో ఫామ్ హౌస్ లను లీజుకు తీసుకుని మద్యం హుక్కా ఏరులై పారిస్తుంటారు. ఫామ్ హౌస్ లలో యువత మద్యం సేవించి అసాంఘిక కార్యక్రమాలు చేస్తున్నారని పక్కా సమాచారంతో రంగంలోకి దిగిన ఎస్వోటీ పోలీసులు. మొయినాబాద్ లోని బిగ్ బాస్, జహంగీర్ డ్రీమ్ వ్యాలీ, శంషాబాద్ మండలంలోని గండిగూడ రిప్లై ఫామ్ హౌస్, మేడ్చల్ లోని గోవర్ధన్ ఫామ్హౌస్ లలో నిందితులను అరెస్టు చేశారు.
Read Also: TSRTC: మహా శివరాత్రికి 2,427 స్పెషల్ బస్సులు
మొత్తం 32 ఫామ్ హౌస్ లో తనిఖీ చేపట్టిన ఎస్ఓటి పోలీసులు నాలుగు ఫామ్ హౌస్లలో అసాంఘిక కార్యక్రమాలు చేపడుతున్నట్లు గుర్తించారు. దాడులు నిర్వహించిన ఫామ్ హౌస్లలో భారీగా మద్యం బాటిల్లు హుక్కా సామాగ్రి ప్లేయింగ్ కార్డ్స్, రూ.మూడు లక్షల నగదు, 7 మొబైల్స్ స్వాధీనం చేసుకుని 25 మందిని అదుపులోకి తీసుకుని కేసు నమోదు చేసి విచారణ చేపట్టారు.