America : ప్రెసిడెంట్ డిబేట్‌లో పాల్గొన్న కమలా హారిస్, డొనాల్డ్ ట్రంప్

America : అమెరికా అధ్యక్ష ఎన్నికలకు నేడు చాలా స్పెషల్. వైస్ ప్రెసిడెంట్ కమల హారిస్, మాజీ అధ్యక్షుడు డొనాల్డ్ ట్రంప్ మధ్య మంగళవారం రాత్రి 9 గంటలకు (స్థానిక కాలమానం ప్రకారం) ప్రెసిడెంట్ డిబేట్ జరిగింది. ఎన్నికలకు ఇంకా రెండు నెలల సమయం మాత్రమే ఉన్న తరుణంలో ఇద్దరు ప్రత్యర్థుల మధ్య ఈ డిబేట్ జరుగుతోంది. ప్రెసిడెంట్ డిబేట్‌లో ట్రంప్, కమలా హారిస్ ఒకరినొకరు ఎదుర్కోవడం ఇదే తొలిసారి. అంతకుముందు, జూన్ 28 న ట్రంప్ – బిడెన్ మధ్య ప్రెసిడెంట్ డిబేట్‌ జరిగింది.ఒక నెల తర్వాత జో బిడెన్ వైట్ హౌస్ రేసు నుండి తన పేరును ఉపసంహరించుకున్నారు.

ప్రెసిడెంట్ డిబేట్‌ అంటే ఏమిటి?
అమెరికాలో ఎన్నికలకు ముందు అధ్యక్ష అభ్యర్థుల మధ్య పలు కీలక అంశాలపై ముఖాముఖి చర్చ జరుగుతోంది. ఇది ఒక నిర్దిష్ట సమస్యపై డెమోక్రటిక్ లేదా రిపబ్లికన్ పార్టీ అభ్యర్థి అభిప్రాయం ఏమిటో తెలుసుకోవడానికి ప్రజలకు అవకాశం ఇస్తుంది. తద్వారా ఓటరు ఎవరికి ఓటు వేయాలో నిర్ణయించుకోవడం సులభం అవుతుంది. అమెరికాలో ప్రెసిడెన్షియల్ డిబేట్ చరిత్ర దాదాపు ఆరున్నర దశాబ్దాల నాటిది 1960 ఎన్నికల సమయంలో జాన్ ఎఫ్. కెన్నెడీ – రిచర్డ్ నిక్సన్ మధ్య మొదటి అధ్యక్ష చర్చ జరిగింది. ఆ ఎన్నికల్లో డెమోక్రటిక్ పార్టీ అభ్యర్థి కెన్నెడీ విజయం సాధించారు.

ప్రెసిడెన్షియల్ డిబేట్ ఎక్కడ, ఎప్పుడు జరుగుతుంది?
ఏబీసీ న్యూస్ ట్రంప్ – కమలా హారిస్ మధ్య అధ్యక్ష చర్చకు హోస్ట్ గా వ్యవహరించనుంది. ఇది అమెరికా కాలమానం ప్రకారం రాత్రి 9 గంటలకు ఫిలడెల్ఫియాలోని జాతీయ రాజ్యాంగ కేంద్రం(నేషనల్ కాన్సట్యూషనల్ సెంటర్)లో నిర్వహించారు. డేవిడ్ ముయిర్ – లిన్సే డేవిస్ ఈ డిబేట్‌కు మోడరేటర్‌లుగా వ్యవహరించారు. భారత కాలమానం ప్రకారం ఇది బుధవారం ఉదయం 6.30 గంటలకు ప్రసారం అయింది

ప్రెసిడెంట్ డిబేట్‌లో నియమాలు ఎలా ఉంటాయి?
ప్రెసిడెంట్ డిబేట్‌కు సంబంధించి కొన్ని రూల్స్ సెట్ చేయబడ్డాయి. ఇద్దరు అభ్యర్థులలో ఒకరు మాట్లాడుతుంటే, మరొకరి ప్రత్యర్థి మైక్ స్విచ్ ఆఫ్ చేయబడుతుంది. చర్చ ప్రత్యక్ష ప్రసార సమయంలో వేదికపై ట్రంప్, కమలా హారిస్ మాత్రమే ఉన్నారు. ఈ సమయంలో ప్రేక్షకులు ఉండరు. ఇది కాకుండా, 90 నిమిషాల చర్చలో రెండు వాణిజ్య విరామాలు మాత్రమే తీసుకోబడతాయి. ఇద్దరి ప్రచారానికి సంబంధించిన సిబ్బంది విరామ సమయంలో వారితో మాట్లాడాల్సిన అవసరం ఉండదు. ప్రతి ప్రశ్నకు సమాధానమివ్వడానికి అభ్యర్థికి 2 నిమిషాల సమయం ఉంటుంది. ఇది కాకుండా, ఏదైనా తిరస్కరించడానికి అభ్యర్థులకు 2 నిమిషాల సమయం ఉంటుంది. అదనంగా, తదుపరి సమాధానాల కోసం అదనపు నిమిషాలు కూడా ఇవ్వవచ్చు. ప్రెసిడెన్షియల్ డిబేట్ ముగిసే సమయానికి ముగింపు ప్రకటనలు ఇవ్వడానికి కమలా హారిస్, డొనాల్డ్ ట్రంప్ ఇద్దరికీ రెండు నిమిషాల సమయం ఉంటుంది. పెన్ను, నోట్‌ప్యాడ్, వాటర్ బాటిల్‌ను మాత్రమే వారు ఉపయోగించుకోగలుతారు.

చర్చకు ముందు టాస్ నిర్వహిస్తారు. ఈ టాస్‌లో గెలిచిన అభ్యర్థి తాను వేదికపై నిలబడిన ప్రదేశం లేదా తన ముగింపు ప్రకటన క్రమంలో ఎంచుకోవచ్చు. ఈ ప్రెసిడెన్షియల్ డిబేట్‌లో ట్రంప్ టాస్ గెలిచి, చివరిగా ముగింపు ప్రకటన ఇవ్వాలని ఎంచుకున్నారు. కమలా హారిస్ వేదికపై ఎడమ వైపు నిలబడటానికి ఎంచుకున్నారు. అంటే ప్రేక్షకులు ఆమెను టీవీ స్క్రీన్ కుడి వైపున చూస్తారు.

మరిన్ని ప్రెసిడెంట్ ఎన్నికల డిబేట్ జరుగుతాయా?
ఎన్నికలకు చాలా తక్కువ సమయం మాత్రమే మిగిలి ఉన్నందున ఇది కమలా హారిస్, డొనాల్డ్ ట్రంప్ మధ్య జరిగే మొదటి, చివరి ప్రెసిడెంట్ డిబేట్‌గా పరిగణించబడుతుంది. జూన్ చివరిలో ట్రంప్ – బిడెన్ మధ్య చర్చ జరిగినప్పుడు, ఇద్దరూ సెప్టెంబర్ 10న రెండవ చర్చకు అంగీకరించారు. అయితే దీని తర్వాత కమలా హారిస్ రేసులోకి ప్రవేశించారు. ప్రస్తుతం ఆమె బృందం మంగళవారం చర్చకు మాత్రమే అంగీకరించింది. అయితే, అక్టోబర్ 1న CBS న్యూస్ JD వాన్స్ – టిమ్ వాల్జ్ మధ్య వైస్ ప్రెసిడెంట్ డిబేట్‌ను నిర్వహిస్తుంది. ఈ చర్చ న్యూయార్క్ నగరంలో జరుగుతుంది. దీని మోడరేటర్ CBS న్యూస్ మేనేజింగ్ ఎడిటర్, న్యూస్ చీఫ్‌గా ఉంటారు. ఎబిఎస్ న్యూస్ ప్రెసిడెన్షియల్ డిబేట్‌తో పాటు మరో రెండు డిబేట్‌లను ట్రంప్ ఇప్పటికే ప్రతిపాదించినప్పటికీ, కమలా హారిస్ బృందం అక్టోబర్‌లో మరో చర్చకు అంగీకరించవచ్చని భావిస్తున్నారు. అయితే దీనికి సంబంధించిన తేదీని ఖరారు చేయలేదు. మంగళవారం రాత్రి జరగనున్న ప్రెసిడెంట్ డిబేట్ తర్వాత కమలా హారిస్ బృందం దీనిపై నిర్ణయం తీసుకోవచ్చని భావిస్తున్నారు.