Israel-Hamas War: ఇజ్రాయెల్ వరుసగా నాల్గవ రోజు గాజాపై దాడి.. పాఠశాలలో ఆశ్రయం పొందిన 19 మంది మృతి

Israel-Hamas War: ఇజ్రాయెల్ మంగళవారం దక్షిణ గాజాలోని పాలస్తీనా భూభాగంలోని పాఠశాలపై దాడి చేసి సుమారు 19 మందిని హతమార్చింది. అదే సమయంలో పదుల సంఖ్యలో ప్రజలు గాయపడ్డారు. వలస వెళ్లిన పాలస్తీనియన్లు పాఠశాలను తమ ఆశ్రయంగా చేసుకున్నారు. నాలుగు రోజుల వ్యవధిలో ఇజ్రాయెల్ దాడులు చేయడం ఇది వరుసగా నాలుగోసారి. అయితే, ఈ దాడికి సంబంధించి ఇజ్రాయెల్ నుండి ఎలాంటి సమాచారం లేదు. దక్షిణ నగరమైన ఖాన్ యూనిస్‌కు సమీపంలోని అబాసన్‌లోని అల్-అవ్దా పాఠశాల గేట్ వద్ద ఈ దాడి జరిగిందని నాసర్ ఆస్పత్రిలో చికిత్స పొందుతున్న వారు తెలిపారు. ఈ దాడుల్లో కనీసం 20 మంది మృతి చెందినట్లు హమాస్ ఆధ్వర్యంలోని ప్రాంతంలోని అధికారులు తెలిపారు.

Read Also:Assam Floods : అస్సాంలో నీట మునిగిన 27 జిల్లాలు.. వరదలకు విలవిలలాడుతున్న 19లక్షల మంది

గతంలో జరిగిన మూడు దాడులను ఇజ్రాయెల్ అంగీకరించింది. పాఠశాలలో దాక్కున్న ఉగ్రవాదులను లక్ష్యంగా చేసుకుని ఈ మూడు దాడులు జరిగినట్లు ఇజ్రాయెల్ తెలిపింది. అయితే, సైనిక అవసరాల కోసం పాఠశాలలు, ఆసుపత్రులు, ఇతర పౌర సౌకర్యాలను ఉపయోగిస్తుందన్న ఇజ్రాయెల్ వాదనలను హమాస్ ఖండించింది. శనివారం, ఇజ్రాయెల్ సెంట్రల్ గాజాలోని నుస్సిరత్‌లోని అల్-జౌని పాఠశాలపై దాడి చేసి కనీసం 16 మందిని చంపినట్లు ప్రాంత ఆరోగ్య మంత్రిత్వ శాఖ తెలిపింది. ఇజ్రాయెల్ దాడి సమయంలో 2,000 మంది పాఠశాలలో ఆశ్రయం పొందుతున్నారని ఐక్యరాజ్యసమితి ఏజెన్సీ తెలిపింది.

Read Also:Kalki 2898 AD: కల్కి 2898 ADపై ముఖేష్ ఖన్నా సంచలనం.. బీహార్-ఒడిశా ప్రేక్షకుల కోసం కాదంటూ కామెంట్స్

మరుసటి రోజు, గాజా నగరంలో చర్చి ఆధ్వర్యంలో నడుస్తున్న హోలీ ఫ్యామిలీ స్కూల్‌ను ఇజ్రాయెల్ దళాలు లక్ష్యంగా చేసుకున్నాయి. ఈ దాడిలో నలుగురు మరణించారు. సోమవారం నుసిరత్‌లో ఐక్యరాజ్యసమితి నిర్వహిస్తున్న మరో పాఠశాలను ఇజ్రాయెల్ లక్ష్యంగా చేసుకుంది. ఈ దాడిలో పలువురు గాయపడినట్లు సమాచారం. పలువురిని చికిత్స నిమిత్తం తరలించినట్లు స్థానిక ఆసుపత్రి తెలిపింది. అక్టోబరు 7న ఇజ్రాయెల్‌పై హమాస్ దాడి చేసిందని, ఆ తర్వాత ఇజ్రాయెల్ సైన్యం గాజాలోని పాలస్తీనా ప్రాంతాన్ని లక్ష్యంగా చేసుకుంది. ఇజ్రాయెల్ ప్రతీకారంతో యుద్ధం ప్రారంభమైంది. అప్పటి నుండి గాజాలోని పాఠశాలలు, ఇతర ఆశ్రయాలలో 500 మందికి పైగా మరణించారు.