Economic Survey: 2025-26 ఆర్థిక సంవత్సరంలో 7శాతం కంటే తక్కువగా జిడిపి

Economic Survey: ఆర్థిక మంత్రి నిర్మలా సీతారామన్ శుక్రవారం లోక్‌సభలో 2024-25 ఆర్థిక సంవత్సరానికి సంబంధించిన ఆర్థిక సర్వేను సమర్పించారు. ఈ సర్వే ప్రకారం.. 2025-26లో భారతదేశ వాస్తవ GDP వృద్ధి రేటు 6.3-6.8శాతం మధ్య ఉండొచ్చని అంచనా. ఇది 2023-24లో నమోదైన 8.2శాతం వృద్ధి రేటితో పోలిస్తే గణనీయంగా తక్కువ.

GDP వృద్ధిలో మందకొడితనం
ఆర్థిక సర్వే ప్రకారం, 2024-25లో దేశీయ ఆర్థిక వ్యవస్థ మందకొడిగా కొనసాగే అవకాశం ఉంది. తయారీ రంగం బలహీనపడటం, కార్పొరేట్ పెట్టుబడులు తగ్గడం వృద్ధి రేటును ప్రభావితం చేస్తోంది. 2024ఆర్థిక సంవత్సరంలో భారతదేశ GDP 8.2శాతంగా ఉంటే, కొత్త ఆర్థిక సంవత్సరంలో ఇది 6.4శాతం స్థాయికి తగ్గొచ్చని అంచనా.

Read Also:Prabhas : ప్రభాస్ రాజు ఆతిధ్యం అంటే ఆ మాత్రం ఉంటది ఇమాన్వీ

ఆర్థిక వ్యవస్థ బలమైన అంశాలు
సర్వే ప్రకారం, దేశీయ ఆర్థిక వ్యవస్థకు కొన్ని బలమైన అంశాలు కూడా ఉన్నాయి. బలమైన బాహ్య ఖాతాలు, సమతుల్య ఆర్థిక ఏకీకరణ, స్థిరమైన ప్రైవేట్ వినియోగం భారత ఆర్థిక వ్యవస్థను నిలబెడతాయని పేర్కొంది.

ఆర్థిక సర్వేలో కీలక అంశాలు
* 2025-26లో భారత GDP వృద్ధి రేటు 6.3% – 6.8% మధ్య ఉండొచ్చు
* 2023-24లో 8.2% వృద్ధి నమోదు, అయితే కొత్త ఆర్థిక సంవత్సరంలో తగ్గుదల
* తయారీ రంగం బలహీనత, పెట్టుబడుల తగ్గుదల ప్రధాన ప్రతికూలతలు
* బలమైన బాహ్య ఖాతాలు, స్థిరమైన ప్రైవేట్ వినియోగం వృద్ధికి సహాయపడతాయి

Read Also:Sri Lakshmi Constructions Fraud: శ్రీలక్ష్మీ కన్‌స్ట్రక్షన్స్ ఎండి గుర్రం విజయలక్ష్మీ అరెస్టు.. రిమాండ్కు తరలింపు!

ఆర్థిక సర్వే ప్రాముఖ్యత
ఆర్థిక సర్వే అనేది కేంద్ర బడ్జెట్‌కు ముందు ఆర్థిక వ్యవస్థ స్థితిని సమీక్షించడానికి సమర్పించే పత్రం. ఇది ప్రస్తుతం దేశ ఆర్థిక పరిస్థితిని, ఎదురవుతున్న సవాళ్లను విశ్లేషిస్తుంది. అలాగే, సంస్కరణలు, అభివృద్ధికి సంబంధించిన మార్గదర్శకాలను అందిస్తుంది. 1950-51లో తొలిసారి సమర్పించిన ఆర్థిక సమీక్ష, 1960ల తర్వాత బడ్జెట్‌కు ఒక రోజు ముందు ప్రవేశపెట్టడం ప్రారంభమైంది. ఈసారి కూడా 2025-26 కేంద్ర బడ్జెట్‌ను శనివారం ఆర్థిక మంత్రి ప్రవేశపెట్టనున్నారు. పెట్టుబడిదారులు, వ్యాపార వర్గాలు, ప్రజలు ఆసక్తిగా ఎదురుచూస్తున్న ఈ బడ్జెట్‌లో ప్రభుత్వం ఎలా స్పందిస్తుందో చూడాలి!