Prabhas : ప్రభాస్ రాజు ఆతిధ్యం అంటే ఆ మాత్రం ఉంటది ఇమాన్వీ

ప్రభాస్‌తో సినిమా అంటే వందల కోట్ల బడ్జెట్ పెట్టాల్సిందే. కలెక్షన్స్ కూడా అలాగే ఉంటాయి.  సినిమా కాస్త అటు ఇటు అయిన మరో సినిమాతో తన ప్రొడ్యూసర్లకు అండగా నిలబడతాడు డార్లింగ్. ప్రస్తుతం ప్రభాస్ చేతిలో అరడజను పాన్ ఇండియా సినిమాలున్నాయి. ఈ సినిమాలన్నీ కూడా రూ. 500 కోట్లకు అటు ఇటుగా భారీ బడ్జెట్‌తో రూపొందుతున్నాయి. ఇక ప్రభాస్ సినిమాల సంగతి ఇలా ఉంటే ఆయన ఇచ్చే ఆతిథ్యం మాత్రం మరోలా ఉంటుంది. అసలు ప్రభాస్‌తో సినిమా అంటే చాలు అప్పటి వరకు టేస్ట్ చేయని భోజనం వాళ్ల ముందు పెట్టేస్తాడనే టాక్ ఉంది.ఆయనతో ఎవరు సినిమా చేసినా సరే ప్రభాస్ ఇంటి భోజనం రుచి చూడాల్సిందే.

Also Read : Parashakthi : ‘పరాశక్తి వివాదం ముగిసింది.. ‘టైటిల్ ఎవరికి దక్కిందంటే..?

ప్రభాస్ ఇచ్చే ఆతిథ్యం గురించి చాలా గొప్పగా చెబుతుంటారు. ఆదిపురుష్ టైంలో కృతి సనన్, సలార్ సమయంలో శృతి హాసన్, కల్కి సమయంలో దీపిక పదుకొనే ఇలా తనతో పని చేసిన ఏ ఒక్క స్టార్ హీరోయిన్‌ను కూడా ప్రభాస్ బోజనం పెట్టకుండా వదల్లేదు.  హను రాఘవపూడి దర్శకత్వంలో ప్రభాస్ నటిస్తున్న సినిమాతో ఇమాన్వీ అనే కొత్త హీరోయిన్ పరిచయం అవుతోంది. ప్రస్తుతం ఈ సినిమా షూటింగ్ జెట్ స్పీడ్‌లో జరుగుతోంది. ఈ నేపథ్యంలో తాజాగా  ఇమాన్వీకి ప్రభాస్‌ ఇంటి నుంచి క్యారేజీ వెళ్లింది. ఇదే విషయాన్ని ఆమె తన ఇన్‌స్టా స్టోరీస్‌లో పోస్ట్‌ చేసింది. ప్రభాస్‌కు థాంక్యూ చెబుతూ భోజనం చాలా బాగుంది అంటూ ఇమాన్వీ ఒక వీడియోను తన ఇన్‌స్టా స్టోరీస్‌లో షేర్ చేసింది. భీమవరం రాజుల వారి ఆతిధ్యం అంటే ఆ మాత్రం ఉంటుంది అని సోషల్ మీడియాలో ఫ్యాన్స్ కామెంట్స్ చేస్తున్నారు.