Indian Women: ఆర్నెళ్లలో రూ.5వేలకోట్లు.. మహిళల కాస్మోటిక్స్ ఖర్చు
- Follow Us :
-
-
Add as a preferred
source on google
Indian Women: నేటి రోజుల్లో ప్రతి ఒక్కరికి అందంపై శ్రద్ధ పెరుగుతుంది. దీనికోసం ప్రపంచవ్యాప్తంగా మగ, ఆడ అన్న తేడాలేకుండా ఇబ్బడి ముబ్బడిగా సౌందర్య సాధనాలకోసం ఖర్చు చేస్తూనే ఉన్నారు. అందులో మహిళల గురించి ప్రత్యేకంగా చెప్పనక్కర్లేదు. భారతదేశంలోని టాప్-10 నగరాల్లో లిప్ స్టిక్, నెయిల్ పాలిష్, ఐలైనర్ వంటి కాస్మోటిక్స్ ఉత్పత్తుల విక్రయం గత ఆరు నెలల్లో రూ.5,000 కోట్ల మేర జరిగినట్లు గణాంకాల ద్వారా తెలుస్తోంది. అంతెందుకు, సౌందర్య సాధనాల అమ్మకాలు ఎందుకు పెరుగుతున్నాయి? ఇది తెలుసుకునే ముందు సౌందర్య సాధనాల కథ, జవహర్లాల్ నెహ్రూ, JRD టాటా గురించి తెలుసుకుందాం…
దేశానికి స్వాతంత్ర్యం వచ్చిన నాటి కథ ఇది. అప్పట్లో కాస్మోటిక్స్ దేశంలో తయారు చేయబడలేదు, భారతీయ మహిళలు విదేశాల నుండి తెచ్చుకునేవారు. సౌందర్య సాధనాల ఈ దిగుమతి దేశ మొదటి ప్రధాన మంత్రి జవహర్లాల్ నెహ్రూను ఇబ్బంది పెట్టింది. దాని పరిష్కారం కోసం అతను పారిశ్రామికవేత్త JRD టాటాను సంప్రదించాడు. ఈ విధంగా లాక్మే బ్రాండ్ 1952లో ప్రారంభమైం. ఇది లక్ష్మీ దేవి ఫ్రెంచ్ పేరు.
సౌందర్య సాధనాల అమ్మకాలు ఎందుకు పెరుగుతున్నాయి?
కాంతర్ వరల్డ్ప్యానెల్ కేవలం 6 నెలల్లోనే భారతదేశంలో సౌందర్య సాధనాలపై రూ. 5,000 కోట్ల వ్యయం జరిగినట్లు అధ్యనయంలో తేలింది. దీని ప్రకారం ప్రస్తుతం ఎక్కువ మంది మహిళలు పని కోసం ఇంటి నుంచి బయటకు వెళ్లడమే కాస్మోటిక్స్ అమ్మకాలు పెరగడానికి కారణం. కాస్మోటిక్స్ విక్రయాల్లో 40 శాతం ఆన్లైన్లోనే జరుగుతున్నట్లు అధ్యయనంలో తేలింది.
ఇది మాత్రమే కాదు, ఆన్లైన్ లేదా ఆఫ్లైన్లో సౌందర్య సాధనాలను కొనుగోలు చేసే మహిళల్లో ఎక్కువ మంది పని చేసే మహిళలే. వారు సౌందర్య సాధనాల కోసం సగటు కొనుగోలుదారు కంటే 1.6 రెట్లు ఎక్కువ ఖర్చు చేస్తారు. కాస్మోటిక్స్కు వినియోగం పెరగడంతో పాటు రానున్న కాలంలో ఈ రంగం బాగా అభివృద్ధి చెందుతుంది. ఈ విషయాన్ని కాంటార్ వరల్డ్ప్యానెల్ విభాగం మేనేజింగ్ డైరెక్టర్ (దక్షిణాసియా) కె.రామకృష్ణన్ చెప్పారు.
3 కోట్లకు పైగా లిప్స్టిక్లు
గత ఆరు నెలల్లో దేశవ్యాప్తంగా 10 కోట్లకు పైగా బ్యూటీ ప్రొడక్ట్స్ అమ్ముడయ్యాయి. ఇందులో 3.1 కోట్ల లిప్స్టిక్లు, 2.6 కోట్ల నెయిల్ పాలిష్, 2.3 కోట్ల ఐ లైనర్, 2.2 కోట్ల క్రీమ్ పౌడర్ అమ్ముడయ్యాయి. గత 6 నెలల్లో సౌందర్య సాధనాలపై నెలవారీ సగటు వ్యయం రూ.1,214 కోట్లు. లిప్స్ ఉత్పత్తి అత్యధికంగా విక్రయించబడింది. ఇది మొత్తం విక్రయంలో 38 శాతంగా ఉంది.