బీహార్లోని రాజ్గిర్లో జరుగుతున్న మహిళల ఆసియా ఛాంపియన్స్ ట్రోఫీ హాకీ టోర్నమెంట్లో భారత్ జపాన్ను ఓడించింది. 2-0 తేడాతో జపాన్ను ఓడించి ఫైనల్కు దూసుకెళ్లింది. ఇప్పుడు ఫైనల్లో చైనాతో తలపడనుంది. ఈ మ్యాచ్ లో తొలి 45 నిమిషాల్లో భారత్, జపాన్ ఒక్క గోల్ చేయలేకపోయాయి. గోల్స్ కోసం ఇరు జట్లు పోరాడాయి. భారత్కు పెనాల్టీ కార్నర్లు వరుసగా లభించినా వాటిని గోల్గా మార్చలేకపోయింది. ఈ సమయంలో భారత్కు 11, జపాన్కు ఒక్క పెనాల్టీ కార్నర్ కూడా లభించలేదు. సెకండాఫ్కు ముందే సవితా పునియాను తొలగించి గోల్కీపింగ్ బాధ్యతలను బిచ్చు దేవికి అప్పగించింది.
Read Also: Simhachalam: సింహాచలం ఆలయ భూముల అన్యాక్రాంతంపై విజిలెన్స్ విచారణ
తొలి మూడు క్వార్టర్లలో ఇరు జట్లు గోల్ చేయలేకపోయాయి. భారత్ తరఫున నవనీత్ పెనాల్టీ స్ట్రోక్లో గోల్ చేయగా, లాల్రెమ్సియామి రెండో గోల్ చేశారు. ఈ క్రమంలో.. జపాన్ పై రెండు గోల్స్ తో విజయం సాధిచింది. బుధవారం జరిగే ఫైనల్లో భారత్ ఇప్పుడు చైనాతో తలపడనుంది. ఆసియా ఛాంపియన్స్ ట్రోఫీ తొలి సెమీఫైనల్లో చైనా 3-1తో మలేషియాను ఓడించి ఫైనల్కు టికెట్ ఖాయం చేసుకుంది. గ్రూప్ రౌండ్లో భారత్ ఆడిన అన్ని మ్యాచ్ల్లోనూ విజయం సాధించింది. చివరి గ్రూప్ రౌండ్ మ్యాచ్లో జపాన్తో తలపడింది. అప్పుడు కూడా భారత్ 3-0తో గెలిచింది. 48 గంటల్లోనే ఇరు జట్లు మరోసారి ముఖాముఖి తలపడ్డాయి.
Read Also: Honda Activa CNG: సిఎన్జిలో రాబోతున్న హోండా యాక్టివా.. రిలీజ్ ఆరోజే?
