Asian Champions Trophy: పాకిస్తాన్ పై భారత్ విక్టరీ..

ఆసియా ఛాంపియన్స్ ట్రోఫీ హాకీ టోర్నమెంట్ చివరి లీగ్ మ్యాచ్ లో చిరకాల ప్రత్యర్థి పాకిస్తాన్ పై భారత్ విక్టరీ సాధించింది. పాకిస్తాన్ను చిత్తుగా ఓడించింది. ఇప్పటికే వరుస విజయాలతో సెమీస్కు చేరిన భారత్.. నామమాత్రపు మ్యాచ్లో పాకిస్తాన్ ను ఓడించింది. 2-1 ఆధిక్యంతో గెలుపొందింది. కెప్టెన్ హర్మన్ ప్రీత్ సింగ్ రెండు గోల్స్తో జట్టు విజయంలో కీలక పాత్ర పోషించారు.

PM Modi: “హిందువుల గురించి ప్రశ్నించిన జర్నలిస్టుపై దాడి”.. కాంగ్రెస్‌పై విరుచుకుపడిన ప్రధాని మోడీ..

ఈ టోర్నీలో భారత్ వరుసగా ఐదో విజయం సాధించింది. భారత్‌ 3-0తో చైనాపై, జపాన్‌పై 5-1తో, మలేషియాపై 8-1తో, కొరియాపై 3-1తో విజయం సాధించింది. చివరి 10 నిమిషాల్లో పాకిస్థాన్ జట్టు కేవలం 10 మంది ఆటగాళ్లతో మాత్రమే ఆడింది. పాకిస్తాన్ ఆటగాడు వహీద్ అష్రఫ్ రానాకు ఎల్లో కార్డ్ ఇవ్వడంతో 10 నిమిషాల పాటు అవుటయ్యాడు. ఈ మ్యాచ్‌లో భారత్‌కు 5 పెనాల్టీ కార్నర్‌లు, పాకిస్థాన్‌కు 7 పెనాల్టీ కార్నర్‌లు లభించాయి. ఇప్పటి వరకు ఆడిన ఐదు మ్యాచ్‌ల్లోనూ భారత్ గెలుపొందగా.. పాకిస్థాన్ రెండు మ్యాచ్‌లు గెలిచింది. ఒకటి ఓడిపోయి, రెండు మ్యాచ్‌లు డ్రా అయ్యాయి.