Jasprit Bumrah: నా మొగుడు గొప్ప బౌలర్.. సంజనా ఫన్నీ కామెంట్! నవ్వుకోవాల్సిందే

పెర్త్‌లోని ఆప్టస్ స్టేడియంలో ఆస్ట్రేలియాతో జరుగుతున్న మొదటి టెస్టులో భారత్ స్టాండ్ ఇన్ కెప్టెన్ జస్ప్రీత్ బుమ్రా అత్యుత్తమ ప్రదర్శన చేశాడు. ఫస్ట్ ఇన్నింగ్స్‌లో మొదటిరోజు ముగిసేసరికి 10 ఓవ‌ర్లు బౌలింగ్ చేసి కేవలం 17 ప‌రుగులు మాత్రమే ఇచ్చి.. 4 కీలక వికెట్స్ పడగొట్టాడు. నాథ‌న్ మెక్‌స్వీ, స్టీవ్ స్మిత్‌, ఉస్మాన్ ఖావాజా సహా కెప్టెన్ ప్యాట్ క‌మ్మిన్స్‌ను అవుట్ చేశాడు. బ్యాటింగ్‌లో తక్కువ స్కోరుకే పరిమితమై.. డీలా పడ్డ టీమిండియాలో బుమ్రా తన సంచలన బౌలింగ్‌తో ఉత్సాహం తీసుకొచ్చాడు. కెప్టెన్‌ ‘బౌలింగ్‌’తో జట్టును తిరుగులేని స్థితిలో నిలబెట్టాడు.

అద్భుత బౌలింగ్‌తో ఆస్ట్రేలియా జట్టును శాసించిన జస్ప్రీత్ బుమ్రాపై ప్రశంసల వర్షం కురుస్తోంది. కామెంటర్స్, ఫాన్స్, మాజీ క్రికెటర్స్ అతడిని పొగిడేస్తున్నారు. బుమ్రాపై అతని సతీమణి, స్పోర్ట్స్ ప్రెసెంటెర్ సంజనా గణేషన్ ప్రశంసల జల్లు కురిపించారు. తన భర్త గొప్ప బౌలర్ అని ఇన్‌స్టాగ్రామ్‌ స్టోరీలో పేర్కొన్నారు. ‘గ్రేట్ బౌలర్, ఈవెన్ గ్రేటర్ బూటీ’ అని సంజనా రాసుకొచ్చారు. బుమ్రా గొప్ప బౌలర్ అని, అతని పిరుదులు కూడా అని ఫన్నీగా పోస్ట్ పెట్టారు. ఇందుకు బుమ్రా బటాక్స్ హైలెట్ అయ్యే ఫోటో పెట్టడం విశేషం. ఈ పోస్ట్ సోషల్ మీడియాలో వైరల్‌గా మారింది. ఇది చూసి అందరూ నవ్వుకుంటున్నారు.

Also Read: Jasprit Bumrah: 10 ఏళ్ల తర్వాత.. జస్ప్రీత్ బుమ్రా అరుదైన ఫీట్‌!

ఇక ఆస్ట్రేలియా, భారత్ మధ్య పెర్త్ వేదికగా జరుగుతున్న తొలి టెస్టులో మొదటి రోజు ముగిసేసరికి ఆసీస్‌ 7 వికెట్ల నష్టానికి 67 పరుగులు చేసింది. బుమ్రా (4/17), సిరాజ్‌ (2/17), హర్షిత్‌ రాణా (1/33) రాణించారు. ముందుగా బ్యాటింగ్ చేసిన భారత్ 49.4 ఓవర్లలో 150 పరుగులకే కుప్పకూలింది. నితీశ్‌ కుమార్‌ రెడ్డి (41), రిషబ్‌ పంత్‌ (37) కీలక ఇన్నింగ్స్ ఆడారు. నేడు రెండోరోజు మొదలైంది.