OYO Room : అనైతిక సంబంధాల కారణంగా చాలా కుటుంబాలు తీవ్ర నష్టాలను చవి చూస్తున్నాయి. ఈ బంధాల కారణంగానే కుటుంబాలు విచ్చిన్నం అవుతున్నాయి. తాజాగా నోయిడాలో ఓ మహిళ అక్రమ సంబంధం కారణంగా ప్రాణాలను పొగొట్టుకుని ఇద్దరు పిల్లల్ని అనాథలను చేసింది. నోయిడాకు చెందిన ఓ మహిళకు పెళ్లై ఇద్దరు పిల్లలు ఉన్నారు. కానీ, ఆమె సోను అనే తన బంధువుతో అనైతిక సంబంధాన్ని పెట్టుకుంది. శుక్రవారం మధ్యాహ్నం ఓయో హోటల్‌లో తనను కలవాల్సిందిగా సోనూ మహిళను ఆహ్వానించాడు. ఇద్దరూ హోటల్‌లో రూమ్ బుక్ చేసుకున్నారు. గదిలోకి వెళ్లిన తర్వాత ఇద్దరి మధ్య వాగ్వాదం మొదలైంది.
సోనుకి వేరే అమ్మాయితో పెళ్లయింది. ఈ కారణంగా ఇద్దరి మధ్య వాగ్వాదం జరిగింది. వాగ్వాదం తీవ్రస్థాయికి చేరడంతో సోను ఆ మహిళను తీవ్రంగా కొట్టాడు. దెబ్బలకు తాళలేక మహిళ మరణించింది. హత్య సమాచారం అందిన వెంటనే పోలీసులు ఘటనాస్థలికి చేరుకున్నారు. పోలీసులు మృతదేహాన్ని పోస్టుమార్టం నిమిత్తం ఆస్పత్రికి తరలించారు. మహిళ భర్త ఫిర్యాదు మేరకు కేసు నమోదు చేసుకున్న పోలీసులు నిందితుడిని అరెస్ట్ చేశారు. మహిళకు ఇద్దరు పిల్లలు ఉన్నారు. ఆమె భర్తతో కలిసి నోయిడాలో నివసించేవారు. మహిళ భర్త ఇచ్చిన ఫిర్యాదు మేరకు పోలీసులు సోనుపై హత్యానేరం కింద కేసు నమోదు చేసి అరెస్ట్ చేశారు. ఈ ఘటనతో అక్కడ సంచలనం నెలకొంది. మహిళ మృతితో ఇద్దరు చిన్నారులు అనాథలుగా మారారు.
