Bigg Boss 8 Telugu: ఎంతపని చేస్తివి యష్మి.. వారి ప్రేమకు ఎండ్ కార్డు వేసావుగా

Bigg Boss 8 Telugu: ప్రస్తుతం బిగ్‌బాస్ హౌస్‌లో 8వ వారం కొనసాగుతోంది. నామినేషన్స్‌లో పృథ్వీ, విష్ణుప్రియలను మిగిలిన కంటెస్టెంట్స్ దుమ్ము దులిపారు. చాలా వారాలుగా గేమ్ కూడా ఏం కనిపించట్లేదని, అసలు మీరిద్దరూ సింగిల్‌గా ఎక్కడా కనిపించట్లేదు అంటూ ఒకరి తర్వాత ఒకరు వారిని టార్గెట్ చేసి నామినేషన్స్ చేసారు. ఇందులో ముందుగా ప్రేరణ ఏకంగా విష్ణుప్రియ నోటి నుంచి పృథ్వీపై ఉన్న ఇష్టాన్ని బయటపెట్టేలా విజయవంతమైంది. నామినేషన్స్ తర్వాత అర్ధరాత్రి సమయంలో కన్నడ బ్యాచ్ సభ్యులు ఓ మీటింగ్ పెట్టారు. ఆ మీటింగ్‌లో యష్మీ పృథ్వీకి బాగానే బ్రెయిన్ వాష్ చేసింది.

Read Also: Vasireddy Padma Resigns from YCP: వైసీపీకి వాసిరెడ్డి పద్మ గుడ్‌బై.. వైఎస్‌ జగన్‌పై ఘాటు వ్యాఖ్యలు..

అర్ధరాత్రి 12 గంటల సమయంలో పృథ్వీ, నిఖిల్, యష్మీ, ప్రేరణలు కలిసి మీటింగ్ పెట్టారు. ఆ సమయంలో నిఖిల్‌కి ప్రేరణ మసాజ్ చేస్తుండగా.. మరోవైపు పృథ్వీతో యష్మీ సీరియస్ డిస్కషన్ మొదలుపెట్టింది. ఈ డిస్కషన్ లో పృథ్వీ నేను ఒక ఫ్రెండ్‌గా చెబుతున్నా విను అంటూ.. నాకే మిమ్మల్ని చూస్తుంటే విసుగొచ్చింది.. తను నీకు స్పేస్ ఇవ్వట్లేదు.. ఇద్దరూ స్పేసే తీసుకోవట్లేదని, ప్రతిసారి ఎక్కడ చూసినా ఇద్దరు ఇద్దరే కనిపిస్తారు అంటూ చెప్పుకొచ్చింది. ఎంత ఇలా చూస్తుంటే 2,3 రోజులుగా నాకే ఇరిటేషన్ వచ్చేసింది.. రేయ్ ఇది ఇండివీడ్యువల్ గేమ్ అంటూ .. తనపై ఏదైనా ఉంటే బయట చూసుకోమని.. దానికి ఒక టైమ్ ఉంటుందంటూ.. నాకే ఇలా అనిపిస్తుందంటే, వేరే వాళ్లకి అనిపించడంలో తప్పేలేదు అంటూ బ్రెయిన్ వాష్ చేసింది.

Read Also: Pannun Murder Plot: పన్నూన్‌ను చంపడానికి కుట్ర.. అప్పటి వరకు సంతృప్తి లేదంటున్న అమెరికా

ఆ తర్వాత నేరుగా ఓ కొశ్చన్ అడుగుతా చెప్పు.. నీకు ఏదైనా విష్ణు ప్రియపై ఫీలింగ్ ఉందా..?” అని అడిగగా.. లేదంటూ పృథ్వీ బదులిచ్చాడు. ఆమె, తను జస్ట్ ఫ్రెండ్ అని చెప్పగా.. అంతేనా అని యష్మీ అంటే మళ్లీ అవునని అన్నాడు. మళ్లీ ఎందుకు హౌస్‌లో ఉన్న మిగిలిన వాళ్లతో కాకుండా తనతో ఎందుకు బాగా క్లోజ్‌గా ఉంటావని యష్మీ అడిగింది. దానికి పృథ్వీ.. అలా ఏం లేదని, తను వస్తే మాట్లాడతా.. తాను వెళ్లి మాట్లాడేది తక్కువే అంటూ చెప్పుకొచ్చాడు. ఈ మీటింగ్ అయిపోయాక విష్ణుప్రియతో ఏకాంతంగా మాట్లాడాడు పృథ్వీ. ఇందులో భాగంగా నీకు ఏమైనా మనం ఓవర్ అయినట్లు అనిపిస్తుందా..? అంటూ పృథ్వీ అడిగగా.. దానికి ‘ నో ‘ అంటూ విష్ణు సమాధానం ఇచ్చింది. ఆ తర్వాత ‘నేను నీకు ముందే క్లారిటీ ఇచ్చా కదా.. నాకు ఎలాంటి రిలేషన్షిప్ వద్దని.. నాకు సింగిల్‌గా ఉండటమే ఇష్టమని.. నీకు ఆ క్లారిటీ ఉంటే ఓకే.. లేదు నీకు ఏదైనా నా మీద ఫీలింగ్ అనిపిస్తుంది అంటే చెప్పు.. ఇక్కడితో ఆపేద్దాం అంటూ పృథ్వీ అన్నాడు. దీంతో విష్ణు ప్రియా ‘డన్’ అంటూ అంది. ఆ తర్వాత ఇద్దురూ లేచి అక్కడి నుండి వెళ్లిపోయారు. ఆ తర్వాత పృథ్వీ ఒంటరిగా సిగరెట్ తాగుతూ ఆలోచిస్తుండగా.. విష్ణుప్రియ బెడ్ దగ్గరికి బాధగా చేరుకుంది.