ICC World Test Championship: టాప్ ప్లేస్ లో టీమిండియా.. మరి మిగితా జట్ల పరిస్థితేంటి .?

ICC World Test Championship: భారత క్రికెట్ జట్టు ఇటీవల శ్రీలంకలో పర్యటించింది. అక్కడ మూడు ODIలు, 3 టి20 మ్యాచ్‌లు ఆడింది. టీ20 సిరీస్‌లో భారత్ 3-0తో శ్రీలంకను వైట్‌వాష్ చేసింది. శ్రీలంక జట్టు వన్డే సిరీస్‌ను 2-0 తేడాతో కైవసం చేసుకుంది. శ్రీలంక టూర్ ముగిసిన తర్వాత భారత ఆటగాళ్లకు దాదాపు 43 రోజుల విరామం లభించింది. విరామం తర్వాత భారత జట్టు బంగ్లాదేశ్‌తో రెండు టెస్టు మ్యాచ్‌లు, మూడు టీ20 మ్యాచ్‌లు ఆడనుంది. ఇకపోతే భారత జట్టు సెప్టెంబర్ 19 నుండి వచ్చే 111 రోజులలో (3 నెలల 19 రోజులు) 10 టెస్ట్ మ్యాచ్‌లు ఆడాలి. మొత్తం 5 నెలల్లో 10 టెస్టులు కాకుండా 8 టీ20, 3 వన్డే మ్యాచ్‌లు ఆడాల్సి ఉంది. బంగ్లాదేశ్ తర్వాత భారత్ తన గడ్డపై న్యూజిలాండ్‌తో మూడు, ఆస్ట్రేలియాతో ఐదు టెస్టు మ్యాచ్‌లు ఆడాల్సి ఉంది.

ఈ పది టెస్టు మ్యాచ్‌ లు భారత జట్టుకు చాలా ముఖ్యమైనవి. ప్రపంచ టెస్టు ఛాంపియన్‌షిప్ (డబ్ల్యూటీసీ)లో భారత్ ఫైనల్‌కు చేరాలంటే.. ఈ మ్యాచ్‌ల్లో అద్భుత ప్రదర్శన చేయాల్సి ఉంటుంది. ప్రస్తుతం WTC పాయింట్ల పట్టికలో భారత్ 68.52 శాతంతో అగ్రస్థానంలో ఉంది. ఇప్పటి వరకు 9 మ్యాచ్‌లు ఆడిన భారత్‌ 6 విజయాలు, 2 ఓటములు, ఒక డ్రాతో 74 పాయింట్లు సాధించింది.

కాగా WTC పట్టికలో ఆస్ట్రేలియా జట్టు రెండో స్థానంలో ఉంది. కంగారూ జట్టు 12 మ్యాచ్‌ల్లో 8 విజయాలు, 3 ఓటములు, ఒక డ్రాతో 90 పాయింట్లు సాధించింది. న్యూజిలాండ్ జట్టు మూడవ స్థానంలో ఉంది. న్యూజిలాండ్ 6 మ్యాచ్‌ల్లో విజయాలు, 3 ఓటములతో 36 పాయింట్లు సాధించింది. దీని తర్వాత శ్రీలంక నాలుగో స్థానంలో, దక్షిణాఫ్రికా ఐదో స్థానంలో, పాకిస్థాన్ ఆరో స్థానంలో నిలిచాయి. ఇంగ్లండ్ ఏడో స్థానంలో ఉండగా, బంగ్లాదేశ్ ఎనిమిదో స్థానంలో, వెస్టిండీస్ తొమ్మిదో స్థానంలో ఉన్నాయి.

ఇది 2023 నుండి 2025 వరకు జరిగే ప్రపంచ టెస్ట్ ఛాంపియన్‌షిప్ మూడవ సైకిల్. ఈ మూడో సైకిల్‌కు సంబంధించి పాయింట్ల వ్యవస్థకు సంబంధించిన నిబంధనలను ఐసీసీ ఇప్పటికే విడుదల చేసింది. టెస్టు మ్యాచ్‌లో గెలిస్తే 12 పాయింట్లు, మ్యాచ్ డ్రా అయితే 4 పాయింట్లు, మ్యాచ్ టై అయితే 6 పాయింట్లు జట్టుకు లభిస్తాయి. మ్యాచ్‌ లో గెలిస్తే 100 శాతం పాయింట్లు, టై అయితే 50 శాతం, డ్రాపై 33.33 శాతం, ఓటమిపై సున్నా శాతం పాయింట్లు జోడించబడతాయి. రెండు మ్యాచ్‌ల సిరీస్‌లో మొత్తం 24 పాయింట్లు, ఐదు మ్యాచ్‌ల సిరీస్‌లో 60 పాయింట్లు అందుబాటులో ఉంటాయి. పాయింట్ల పట్టికలో గెలుపు శాతం ఆధారంగా ర్యాంకింగ్ ప్రాథమికంగా నిర్ణయించబడుతుంది కాబట్టి.

బంగ్లాదేశ్ భారత పర్యటన:

మొదటి టెస్ట్ – చెన్నై – 19 నుండి 23 సెప్టెంబర్
రెండవ టెస్ట్ – కాన్పూర్ – 27 సెప్టెంబర్ నుండి అక్టోబర్ 1 వరకు
మొదటి T20 – గ్వాలియర్ – 6 అక్టోబర్
రెండవ T20 – ఢిల్లీ – 9 అక్టోబర్
మూడవ T20 – హైదరాబాద్ – 12 అక్టోబర్

న్యూజిలాండ్ టూర్ ఆఫ్ ఇండియా (2024):

16-20 అక్టోబర్: 1వ టెస్టు, బెంగళూరు
అక్టోబర్ 24-28: 2వ టెస్టు, పూణే
1-5 నవంబర్: 3వ టెస్టు, ముంబై

భారత జట్టు ఆస్ట్రేలియా పర్యటన (నవంబర్-జనవరి 2025):

22-26 నవంబర్: మొదటి టెస్టు, పెర్త్
6-10 డిసెంబర్: రెండో టెస్టు, అడిలైడ్
డిసెంబర్ 14-18: మూడో టెస్టు, బ్రిస్బేన్
26-30 డిసెంబర్: నాల్గవ టెస్టు, మెల్బోర్న్
03-07 జనవరి: ఐదవ టెస్ట్, సిడ్నీ