Husband Wife Fight : పెళ్లిరోజు మర్చిపోతారా అని భర్త, అత్తను చెప్పుతో కొట్టిన మహిళ

Husband Wife Fight : పెళ్లికి ముందు ఎలా ఉన్నా ఫర్లేదు కానీ.. వివాహం చేసుకున్న తర్వాత మాత్రం పుట్టినరోజుల నుండి పెళ్లి వార్షికోత్సవం వరకు అన్ని తేదీలను గుర్తుంచుకోవాలి. లేదంటే మీ భాగస్వామితో మీకు దబిడిదిబిడే.. ఇలాంటి ఘటనే ముంబైలోని ఘాట్‌కోపర్‌లో వెలుగులోకి వచ్చింది. ఈ వార్త వినగానే భర్తల్లో భయం పట్టుకుంది కదూ.. అయింటది లేండి. ముంబైకి చెందిన 27 ఏళ్ల యువతి తన వివాహ వార్షికోత్సవాన్ని మరచిపోయినందుకు తన భర్తను శిక్షించిన సంఘటన ఇంటర్నెట్‌లో వైరల్‌గా మారింది.

ఈ ఘటన ఫిబ్రవరి 18న జరగ్గా, ఘట్కోపర్ పోలీసులు నలుగురిని నిందితులుగా పేర్కొన్నారు. వివాహ వార్షికోత్సవాన్ని మరచిపోయారన్న కోపంలో వివాహిత తన తల్లిదండ్రులను, సోదరుడిని తన అత్తమామల ఇంటికి పిలిపించింది. ఆ తర్వాత వారందరూ కలిసి ఆమె భర్త, అత్తగారిని కొట్టడం ప్రారంభించారు. అక్కడితో ఆగకుండా వారి వాహనాన్ని కూడా ధ్వంసం చేశారు. దీంతో నలుగురిపై దాడి కేసు నమోదు చేసినట్లు ఘట్‌కోపర్ పోలీస్ స్టేషన్ సీనియర్ ఇన్‌స్పెక్టర్ సంజయ్ దాహకే తెలిపారు. పోలీసులు వారికి నోటీసులు జారీ చేసి, విచారణ అనంతరం వారిపై చట్టపరమైన చర్యలు తీసుకుంటామన్నారు.

Read Also: Fake Eggs: మార్కెట్లో నకిలీ కోడిగుడ్లను గుర్తుపట్టాలి.. లేదంటే

ఇంతకీ ఏం జరిగిందంటే.. విశాల్ నాంగ్రే, కల్పన 2018లో పెళ్లి చేసుకున్నారు. విశాల్ నాంగ్రే కొరియర్ కంపెనీలో డ్రైవర్. భార్య కల్పన ఫుడ్ అవుట్‌లెట్‌లో పనిచేస్తుండగా, ఇద్దరూ గోవండిలోని బగన్‌వాడిలో నివసిస్తున్నారు. ఈ విషయమై చర్చించేందుకు మహిళ, ఆమె తల్లిదండ్రులు, సోదరుడు అత్తగారింటికి వచ్చినట్లు సమాచారం. రాత్రి 9:30 గంటల సమయంలో జరిగిన గొడవలో కల్పన తన అత్తగారిని చెప్పుతో కొట్టింది.

Read Also: Union Minister Kishan Reddy: కేంద్రమంత్రి కిషన్‌రెడ్డి ఇంట విషాదం..

ఆ తర్వాత విషయం తీవ్రస్థాయికి చేరి ఇద్దరికీ కొట్టుకున్నారు. కొట్టిన తర్వాత, వ్యక్తి తన తల్లితో కలిసి ఆసుపత్రికి వెళ్లి వైద్య నివేదిక అందుకున్న తర్వాత ఘట్కోపర్ పోలీసులను సంప్రదించాడు. తన భార్య సోదరుడు, తల్లిదండ్రులు తనను కొట్టారని ఫిర్యాదులో పేర్కొన్నాడు. పోలీసులు నాంగ్రే భార్య, సోదరుడు మరియు అతని తల్లిదండ్రులపై భారతీయ శిక్షాస్మృతిలోని 323, 324, 327, 504, 506, 34 సెక్షన్ల కింద కేసు నమోదు చేశారు.