హైదరాబాద్లోని పలు ప్రాంతాల్లో బుధవారం ఉరుములు, మెరుపులతో కూడిన భారీ వర్షం కురిసింది. దీంతో రోడ్లపైకి నీరు వచ్చి చేరడంతో ట్రాఫిక్కు తీవ్ర అంతరాయం ఏర్పడింది. తెలంగాణ స్టేట్ డెవలప్మెంట్ ప్లానింగ్ సొసైటీ ప్రకారం, గోల్కొండలో అత్యధికంగా 94 మి.మీ, శివరాంపల్లెలో 72.8 మి.మీ, జూబ్లీహిల్స్లో 61.8 మి.మీ వర్షపాతం నమోదైంది. మెహదీపట్నం, రాజేంద్రనగర్, బంజారాహిల్స్, అత్తాపూర్, కొండాపూర్, ఖైరతాబాద్, చార్మినార్, నాంపల్లి, బేగంపేట, మాదాపూర్, హైటెక్ సిటీ అల్వాల్, మల్కాజిగిరి సహా నగరంలోని ఇతర ప్రాంతాల్లో కూడా భారీ వర్షం కురిసింది.
భారత వాతావరణ విభాగం (IMD) – హైదరాబాద్ నగరంలో సెప్టెంబర్ 30 వరకు ఎల్లో అలర్ట్ జారీ చేసింది. ఉరుములు, మెరుపులతో కూడిన భారీ వర్షాలు కురుస్తాయని సూచించింది వాతావరణ శాఖ. హైదరాబాద్తో పాటు రంగారెడ్డి, మేడ్చల్-మల్కాజిగిరి జిల్లాల్లో కూడా బుధవారం భారీ వర్షం కురిసింది. రానున్న మూడు రోజుల పాటు చాలా జిల్లాల్లో తీవ్ర వర్షపాతం నమోదయ్యే అవకాశం ఉన్నందున రాష్ట్రం మొత్తానికి ఇదే సూచన కనిపిస్తోంది. సెప్టెంబర్ 30 వరకు తెలంగాణకు ఎల్లో అలర్ట్ కూడా జారీ చేశారు.
“తెలంగాణలో చాలా చోట్ల తేలికపాటి నుండి మోస్తరు వర్షాలు లేదా ఉరుములతో కూడిన జల్లులు కురిసే అవకాశం ఉంది. తెలంగాణలోని కొన్ని జిల్లాల్లో (sic) వివిక్త ప్రదేశాలలో మెరుపులతో కూడిన పిడుగులు పడే అవకాశం ఉంది ” అని IMD విడుదల చేసింది. గురువారం గణేష్ నిమజ్జనం ఉన్నందున, నిర్వాహకులు, పాల్గొనేవారు జాగ్రత్తలు తీసుకోవాలని వాతావరణ శాఖ తెలిపింది. ప్రతి ఒక్కరి భద్రతకు భరోసా ఇవ్వడం చాలా ముఖ్యమని, ఊహించిన ట్రాఫిక్ రద్దీని పరిగణనలోకి తీసుకుంటే, పౌరులు గురువారం ఇంట్లోనే ఉండటం మంచిదని వాతావరణ శాఖ అధికారులు తెలిపారు.
