Heart Health: సైలెంట్ కిల్లర్స్.. యువతలో గుండెపోటుకు ఈ 6 ఆహారపు అలవాట్లే కారణమా?

భారతదేశంలో ఇటీవలి సంవత్సరాలలో యువత గుండెపోటుకు ఎక్కువగా గురవుతన్నారు. ఈ మధ్య కాలంలో హార్ట్ ఎటాక్ కేసులు బాగా పెరిగాయి. వైద్యులు ఇందుకు పలు కారణాలు ఉన్నాయని చెబుతున్నారు. ఆహారపు అలవాట్లు, వ్యాయామం చేయకపోవడం, ధూమపానం, అధిక మద్యం సేవించడం, తీవ్ర ఒత్తిడి లాంటివి గుండెపోటుకు దారితీస్తాయి. గుండెను కాపాడుకోవడానికి ఆహారాన్ని నియంత్రించుకోవడం చాలా అవసరం అని వైద్యులు అంటున్నారు. గుండెపోటు ప్రమాదాన్ని పెంచే కొన్ని అనారోగ్యకరమైన అలవాట్లు ఏంటో చూద్దాం.

ఉప్పు:
ఉప్పు తీసుకోవడంను తగ్గించాలని వైద్యులు సూచిస్తున్నారు. సోడియం అధికంగా తీసుకోవడం వల్ల శరీరంలో ద్రవం నిలుపుదల ఏర్పడుతుంది. ఇది రక్తపోటును పెంచుతుంది. గుండెపై దీర్ఘకాలిక ఒత్తిడి అనారోగ్యానికి దారి తీస్తుంది.

ప్రాసెస్ చేసిన ఆహారాలు:
ప్రాసెస్ చేసిన ఆహార పదార్థాలను (ప్యాకేజ్డ్‌ ఆహార పదార్థాలు) అధికంగా తీసుకోవడం వల్ల ధమనులలో ఫలకం ఏర్పడటం (అథెరోస్క్లెరోసిస్) ఏర్పడుతుంది. ఇది గుండెకు రక్త ప్రవాహాన్ని అడ్డుకుంటుంది. అప్పుడు గుండెపోటు వచ్చే అవకాశాలు పెరుగుతాయి.

అధిక చక్కెర:
అధిక చక్కెర వినియోగం శరీరంలో ఇన్సులిన్ అసమతుల్యతకు కారణమవుతుంది. ఇది ఊబకాయం, గుండె జబ్బుల ప్రమాదాన్ని పెంచుతుంది. అధిక చక్కెర కారణంగా గ్లూకోజ్ స్థాయిలు పెరిగి గుండె జబ్బుల ప్రమాదాన్ని పెంచుతుంది.

Also Read: IND vs AUS: వన్డే చరిత్రలోనే అతిపెద్ద ఛేజ్.. టాప్ 5లో నాలుగు రికార్డులు ఆస్ట్రేలియావే!

జీవనశైలి:
వ్యాయామం లేకపోవడం, ఎక్కువసేపు కూర్చోవడం, ఎక్కువసేపు నిద్రపోవడం, తక్కువ శారీరక శ్రమ గుండె కండరాలను బలహీనపరుస్తాయి. ఇది రక్త ప్రవాహాన్ని అడ్డుకుంటుంది. అప్పుడు ఊబకాయం, అధిక రక్తపోటు, అధిక కొలెస్ట్రాల్ ప్రమాదాన్ని పెంచుతుంది. గుండెపోటు ప్రమాదాన్ని నివారించడానికి మీరు ప్రతిరోజూ లేదా వారానికి నాలుగైదు సార్లు నడక, జాగింగ్ లేదా యోగా వంటివి చేయడం ద్వారా ప్రమాదాన్ని తగ్గించవచ్చు.

ధూమపానం:
పొగాకులో నికోటిన్ ఉంటుంది. ఇది గుండె మరియు రక్త నాళాలను దెబ్బతీస్తుంది. ఇది మీ రక్తంలో ఆక్సిజన్ పరిమాణాన్ని తగ్గిస్తుంది, రక్తపోటును పెంచుతుంది. దీర్ఘకాలిక ధూమపానం క్యాన్సర్, స్ట్రోక్ ప్రమాదాన్ని కూడా పెంచుతుంది.

మద్యం:
అధికంగా మద్యం సేవించడం వల్ల రక్తపోటు పెరుగుతుంది. రక్తంలో ట్రైగ్లిజరైడ్ స్థాయిలు పెరుగుతాయి. అధిక మద్యం గుండె ఆగిపోవడం వంటి తీవ్రమైన పరిస్థితులకు దారితీస్తుంది.