Harish Rao : గురుకుల ఉపాధ్యాయ అభ్యర్థుల నిరసనకు మద్దతు తెలిపిన హరీష్‌ రావు

గురుకుల ఉపాధ్యాయ పోస్టుల అభ్యర్థులు చేస్తున్న నిరసనకు మాజీ మంత్రి, సిద్దిపేట ఎమ్మెల్యే టీ హరీష్‌ రావు మద్దతు తెలిపారు. అభ్యర్థుల సమస్యలను వెంటనే పరిష్కరించాలని భారత్‌ రాష్ట్ర సమితి (బీఆర్‌ఎస్‌) తరపున డిమాండ్‌ చేశారు. “ప్రస్తుత కాంగ్రెస్ ప్రభుత్వం ప్రజల కోసం అని చెప్పుకుంటున్నప్పటికీ, గురుకుల ఉపాధ్యాయ పోస్టుల కోసం పోటీ పడుతున్న వారి పోరాటాల పట్ల ఉదాసీనంగా ఉండటం నిరుత్సాహకరం” అని ఆయన అన్నారు. అభ్యర్థులు పలుమార్లు మంత్రులు, అధికారులకు విన్నవించినా, ముఖ్యమంత్రి నివాసం వద్ద ధర్నాలు చేసినా వినిపించుకోలేదన్నారు. పేద, వెనుకబడిన, బలహీన వర్గాల పిల్లలకు నాణ్యమైన, ఉచిత రెసిడెన్షియల్ విద్యను అందించాలనే లక్ష్యంతో గత బీఆర్‌ఎస్ ప్రభుత్వం అనేక గురుకుల పాఠశాలలను స్థాపించిందని హరీష్ రావు తెలిపారు. ఉపాధ్యాయుల కొరతను పరిష్కరించడానికి , విద్యా ప్రమాణాలను పెంపొందించడానికి, తెలంగాణ వ్యాప్తంగా గురుకుల పాఠశాలల్లో 9,210 ఉపాధ్యాయ పోస్టులను భర్తీ చేయడానికి గత ప్రభుత్వం ప్రక్రియను ప్రారంభించింది.

అయితే, ప్రస్తుత కాంగ్రెస్ ప్రభుత్వం ఈ చొరవను తప్పుగా నిర్వహించిందని మాజీ మంత్రి అన్నారు. “కొత్త అడ్మినిస్ట్రేషన్ కొంతమంది అభ్యర్థులు బహుళ ఉద్యోగ ఆఫర్లను పొందుతున్న పరిస్థితిని సృష్టించింది, అయితే 2,500 పైగా ఉపాధ్యాయ పోస్టులు భర్తీ కాలేదు. ఈ తప్పుడు నిర్వహణ వల్ల చాలా మంది అర్హులైన అభ్యర్థులకు ఉద్యోగావకాశాలు లేకుండా పోతున్నాయని ఆయన అన్నారు. లంగాణ హైకోర్టు తీర్పు ప్రకారం ఖాళీగా ఉన్న పోస్టులను వెంటనే భర్తీ చేయాలని సత్తె ప్రభుత్వాన్ని హరీశ్ రావు డిమాండ్ చేశారు. “ప్రభుత్వం కోర్టు నిర్ణయానికి కట్టుబడి ఉండాలని , ఈ ఉపాధ్యాయ స్థానాలు ఖాళీగా ఉండకుండా చూసుకోవాలని మేము డిమాండ్ చేస్తున్నాము. అభ్యర్థులకు న్యాయం చేయడం , నిరుద్యోగ సమస్యను పరిష్కరించడం చాలా అవసరం, ”అని ఆయన చెప్పారు.