Kilari Rosaiah: సీఎం జగన్ ప్రకటించిన మేనిఫెస్టో అద్భుతం..
Kilari Rosaiah: వైసీపీ అధినేత,సీఎం జగన్ ప్రకటించిన మేనిఫెస్టో అద్భుతంగా ఉందని గుంటూరు వైసీపీ పార్లమెంటు అభ్యర్థి కిలారు రోశయ్య పేర్కొన్నారు. ఈ రాష్ట్రంలో పేదరిక నిర్మూలనకు, నవ సమాజ స్థాపనకు మేనిఫెస్టోలో నిర్ణయం తీసుకున్నారని అన్నారు. రాష్ట్ర అభివృద్ధికి పునాదులు వేస్తున్న సీఎం జగన్.. గతంలో ఎప్పుడు ఏ ప్రభుత్వం అందించని ప్రజా రంజక పాలన ఇది అని ఆయన తెలిపారు. చంద్రబాబు అధికారంలో ఉన్నప్పుడు పేదల కష్టాలు తీర్చడానికి ఏం చేశాడో చెప్పాలని ప్రశ్నించారు. టీడీపీకి చేసింది చెప్పడానికి ఏం లేదన్నారు. నిరంతరం ప్రజలను మోసం చేసిన వ్యక్తి చంద్రబాబు అని ఆయన విమర్శించారు.
Read Also: Dharmana Prasada Rao: టీడీపీ మేనిఫెస్టోను ప్రజలు సీరియస్గా తీసుకోవడం లేదు..
175 సీట్లలో బీసీలకు సీఎం జగన్ పెద్ద పీట వేశారన్నారు. తన మీద పోటీ చేయడానికి టీడీపీ అమెరికా నుంచి అభ్యర్థిని తెచ్చిందని.. ఆ వ్యక్తి 7500 కోట్లు డబ్బు ఉందన్న అహకారంతో మాట్లాడుతున్నాడని విమర్శించారు. ఆయనకు ఉన్న ఆహంకారాన్ని గుంటూరు ప్రజలు దింపుతారన్నారు. చేబ్రోలు మండలంలో 750 ఎకరాల్లో అక్రమ మైనింగ్ జరుగుతుంది అని ఆరోపణలు చేస్తున్న వ్యక్తి ఆ మాట మీద కట్టుబడి ఉండాలన్నారు. ధైర్యం ఉంటే 750 ఎకరాల్లో మైనింగ్ జరిగిన అంశంలో ఆధారాలు చూపాలన్నారు.