Gold Prices At Record High: రికార్డు సృష్టించిన బంగారం ధర.. అంతర్జాతీయ సంకేతాలే ఇందుకు కారణమా ?

Gold Prices At Record High: బంగారం మెరుపు ఆగడం లేదు. గురువారం బంగారం మళ్లీ సరికొత్త చరిత్రాత్మక గరిష్ట స్థాయికి చేరుకుంది. ఢిల్లీ NCR బులియన్ మార్కెట్‌లో బంగారం రూ. 500 పెరిగి రూ. 65,650 గరిష్ఠ స్థాయికి చేరుకుంది. అయితే గత ట్రేడింగ్ సెషన్‌లో బంగారం 10 గ్రాములు రూ. 65,150 స్థాయిలో ముగిసింది.

హెచ్‌డిఎఫ్‌సి సెక్యూరిటీస్ సీనియర్ కమోడిటీ అనలిస్ట్ సౌమిల్ గాంధీ మాట్లాడుతూ.. బంగారం ధరలు వరుసగా మూడో రోజు కూడా పెరిగాయని, ఆ తర్వాత ధర జీవితకాల గరిష్ట స్థాయికి చేరుకుందని చెప్పారు. ఢిల్లీలో 10 గ్రాముల బంగారం ధర రూ.500 పెరిగి రూ.65,650కి చేరుకుందని ఆయన చెప్పారు. అంతర్జాతీయ, విదేశీ మార్కెట్ల నుంచి వస్తున్న సంకేతాల కారణంగా బంగారం ధరల్లో ఈ మార్పు కనిపిస్తోంది. అంతర్జాతీయ మార్కెట్లో, Comex బంగారం ఔన్స్‌కు 30డాలర్ల పెరుగుదలతో 2152డాలర్ల వద్ద ట్రేడవుతోంది. అయితే అంతర్జాతీయ మార్కెట్‌లో బంగారం ధర కూడా ఔన్స్‌కు 2161.50 డాలర్ల స్థాయిని తాకింది. వెండి ధరలు కూడా పెరగడంతో పాటు కిలో రూ.400 పెరిగి రూ.74,900కి చేరింది.

Read Also:Womens Day 2024: అంతర్జాతీయ మహిళా దినోత్సవం ఎందుకు జరుపుకుంటారో తెలుసా?

వాస్తవానికి, ఫెడరల్ రిజర్వ్ బ్యాంక్ జెరోమ్ పావెల్ అమెరికా సెంట్రల్ బ్యాంక్ ఈ సంవత్సరం వడ్డీ రేట్లను తగ్గించవచ్చని సూచించింది. అమెరికా ఫెడరల్ రిజర్వ్ లక్ష్యం మరింత ఉపాధిని సృష్టించడం, అమెరికన్ ప్రజలకు ధరలలో స్థిరత్వాన్ని తీసుకురావడం. తద్వారా ప్రజలు ద్రవ్యోల్బణం నుండి ఉపశమనం పొందగలరని ఆయన అన్నారు. పాలసీ రేటు గరిష్ట స్థాయిలో ఉందని, ఈ ఏడాది వడ్డీరేట్లు తగ్గే అవకాశాలున్నాయన్నారు. అయితే అలా చేయాలంటే ఫెడరల్ ఓపెన్ మార్కెట్ కమిటీకి విశ్వాసం ఉండాల్సిన అవసరం ఉందన్నారు.

అంతర్జాతీయ మార్కెట్‌లో బంగారం ధర పెరిగితే అది దేశీయ మార్కెట్‌పై కూడా ప్రభావం చూపుతోంది. పెరుగుతున్న డిమాండ్‌, వినియోగం కారణంగా దేశీయ మార్కెట్‌లోనూ బంగారం ధరల పెరుగుదల కనిపిస్తోంది. బంగారం ధరల పెరుగుదల ఇక్కడితో ఆగేలా లేదు. 2024లో 10 గ్రాముల బంగారం ధర రూ.70,000 స్థాయిని తాకవచ్చని నిపుణులు భావిస్తున్నారు.

Read Also:Amanchi Swamulu: చీరాలలో జనసేనకు షాక్.. సమన్వయకర్త పదవికి ఆమంచి స్వాములు రాజీనామా..