Road Accident: అందని సహాయం.. తల్లి కళ్ల ముందే ఆగిన కొడుకు ఊపిరి

Road Accident in Vijayanagaram: ఓ వైపు ఊపిరి నిండు ప్రాణం కొన ఊపిరితో కొట్టుమిట్టాడుతోంది.. మరోవైపు ఆ ప్రాణాన్ని కన్న తల్లి పక్కనే ఉండి కొడుకు ప్రాణాలను కాపాడుకోవాలని తాపత్రయపడుతోంది. గుండెల పీండేలా రోదిస్తోంది. ఆస్పత్రికి తీసుకెళ్లడానికి ఎవరైనా సాయం చేయాలని ప్రాధేయడింది.. అయినా కానీ చాలా మంది అలా చూసుకుంటూ పక్కనుంచి వెళ్లిపోతున్నారే తప్ప ఎవరూ సాయం చేయడానికి రాలేదు. అందరూ రోడ్డు పక్కనే జరిగిన సంఘటన చూసి చూసుకుంటూ ఉండిపోయారే తప్ప.. ఆస్పత్రికి తీసుకెళ్లా మన్న ఆలోచన చేయలేదు. ఫలితంగా ఆ యువకుడి ప్రాణం గాల్లో కలిసిపోయాయి. ఈ హృదయవిదారక ఘటన ఆంధ్రప్రదేశ్ లోని విజయనగరంలో ఉన్న గూడ్స్ షెడ్డు వద్ద చోటుచేసుకుంది.

Read Also: Police Patrol Bike: ఇది విన్నారా.. స్టేషన్ బయట ఉన్న పోలీసు వాహనాన్ని ఎత్తుకెళ్లిన దొంగ..

కె. గంగధారరావు తల్లి గోవిందమ్మతో కలిసి ఆటోలో వెళుతూ.. గూడ్స్ షెడ్డు వంతెన వద్ద పని ఉందని దిగాడు. ఆలా దిగి ఒక్క అడుగు ముందుకు వేసేసరికి అటుగా వస్తున్న ట్రాక్టర్ ఒక్కసారిగా ఢీకొట్టింది. దాంతో గంగధారరావు తీవ్ర గాయాలతో రోడ్డు మీద పడిపోయాడు. ఘటనను కళ్లారా చూసిన గంగాధరరావును చూసి ఆటోలో ఉన్న తల్లి గోవిందమ్మ పరుగున వచ్చి లేపేందుకు ప్రయత్నం చేసింది. ఆ తర్వాత ఆస్పత్రికి తీసుకువెళ్దాం.. అంటూ ఆ తల్లి బతిమిలాడినా ఎవరూ కూడా సాయం చేయలేదు. కొద్దీ దూరం లోనే ప్రభుత్వ ఆసుపత్రి ఉన్నా ఎవరు పట్టించుకోలేదు. చివరికి ఓ ప్రవేట్ అంబులెన్సు వచ్చి తీసుకువెళ్లారు. ఇదంతా అరగంట సమయంలో యువకుడు మరణించాడు.

Read Also: Stampede At Railway Station: రైల్వేస్టేషన్‌లో తొక్కిసలాట.. పలువురికి గాయాలు