Gun Firing: నవి ముంబైలోని సంపాదలోని డిమార్ట్ సమీపంలో శుక్రవారం ఉదయం కాల్పులు జరిగాయి. ఈ ఘటనలో ఒకరు గాయపడ్డారు. ఇద్దరు గుర్తు తెలియని దుండగులు ద్విచక్రవాహనంపై వచ్చి 5-6 రౌండ్లు కాల్పులు జరిపి అక్కడి నుండి పారిపోయారు. ఘటనా స్థలంలో ఉన్న ప్రజలకు తుపాకీ కాల్పుల శబ్దాలు వినిపించాయి. దీంతో అక్కడున్న ప్రజల్లో భయాందోళన నెలకొనగా.. గాయపడిన వ్యక్తిని వెంటనే సమీపంలోని ఆసుపత్రికి తరలించారు. అక్కడ అతను చికిత్స పొందుతున్నాడు. అతని పరిస్థితి నిలకడగా ఉందని వైద్యులు తెలిపారు. గాయపడిన వ్యక్తి సంబంధించిన వివరాలు ఇంకా తెలియరాలేదు. ఈ ఘటనపై సంపాడు పోలీసులు కేసు దర్యాప్తు చేస్తున్నారు.
ఘటనకు సంబంధించి సమీపంలోని సీసీటీవీ ఫుటేజీని పోలీసులు పరిశీలిస్తున్నారు. దాడికి పాల్పడిన వారిని గుర్తించి, వారిని పట్టుకుందుకు పోలీసులు ప్రయత్నిస్తున్నారు. రద్దీగా ఉండే ప్రాంతంలో ఈ ఘటన జరగడంతో అక్కడ ఉన్న దుకాణదారులు, పాదచారులు భయాందోళనకు గురయ్యారు. పోలీసులు ఆ ప్రాంతాన్ని చుట్టుముట్టి సాక్షులను విచారిస్తున్నారు. ఈ ఘటనతో స్థానికుల్లో భయాందోళన వాతావరణం నెలకొంది. దాడి చేసిన వారిని త్వరలోనే పట్టుకుంటామని పోలీసులు తెలిపారు. ఘటనకు సంబంధించిన వివరాలు తెలియాల్సి ఉంది.
#WATCH | Navi Mumbai, Maharashtra: One person injured in firing outside D Mart in Sanpada area
Amit Kale, DCP Navi Mumbai Crime Branch says, "Two bike-borne miscreants opened fire on a person in Sanpada area at around 9.30 am, in which he got injured. His condition is stable.… pic.twitter.com/IjpdJAcB9V
— ANI (@ANI) January 3, 2025
Also Read: IND vs AUS: మరోసారి నిరాశపరిచిన భారత్.. తక్కువ పరుగులకే ఆలౌట్